તારે હવાઈચોકમાં આવવું નહીં તેમ કહી ‘મીલન’ અને ‘રાવણ’ ની ધોકાવારી

જામનગરમાં મોડી રાત સુધી ચાલુ રહેતા ચા-પાનના ધંધા બન્યા માથાકૂટનુ ઘર.

• તારે’ હવાઈચોકમાં આવવું નહી તેમ કહી યુવાનને ધોકા ફટકાર્યાં
• આરોપી :મીલન ભાનુશાળી તથા મીલનનો નાતીલો જે રાવણ નામથી ઓળખાય છે રહે બન્ને.જામનગર

દેશ દેવી ન્યુઝ જામનગર તા. o૮ નવેમ્બર ૨૨ જામનગરના ખોજાના નાકા બહાર ટીટોડી વાડીમાં અનવર હાજીના વાડા પાસે રહેતા અને ડ્રાઇવીગ કરતા શબીરભાઇ ઉર્ફે માઇકલ ઉમરભાઇ ખફી જાતે સુમરા નામના ૩૯ વર્ષીય યુવાન ઉપર બજરંગ હોટલ પાસે તેજ વિસ્તારમાં રહેતા મીલન ભાનુશાળી તથા રાવણ નામના બે શખ્સોએ લોખંડના પાઇપ તથા ધોકા વડે હુમલો કરી દેતા નાસભાગ મચી જવા પામી હતી.

પોલીસ ચોપડેથી જાણવા મળતી વિગત મુજબ ગત રાત્રે અગ્યાર વાગ્યાના અરસામાં શબીરભાઇ ઉર્ફે માઇકલ ઉમરભાઇ ખફી બજરંગ હોટલમાં ચા પીતો હતો ત્યા અચાનક મીલન ભાનુશાળી તથા રાવણ નામના શખ્સો આવીને શબ્બીરને મનફાવે તેની ભૂંડી ગાળો ભાંડી ઝગડો કરી લોખંડના પાઈપ અને ધોકા વડે પગ અને માથાના ભાગે મૂંઢ માર મારી નાસી છૂટ્યા હતા. બનાવના પગલે લોકોના ટોળા એકઠા થયા હતા તેવામાં બબાલના જાણ થતા સીટી-એ ડિવિઝન પોલીસ કાફલો ઘટના સ્થળે દોડી ગયો હતો ટોળાઓ વિખેર્યા હતા અને યુવાનને તાત્કાલિક સારવાર માટે હોસ્પિટલમાં ખસેડવામાં આવ્યો હતો માથાકૂટની જાણ થતા હોસ્પિટલ ખાતે સગા-સંબધીઓના ટોળા ઉમટી પડ્યા હતા.

આથી પોલીસે બે શખ્સો સામે IPC કલમ-૩૨૩, ૫૦૪,.૧૧૪ તથા જી.પી. એક્ટ કલમ ૧૩૫-(૧) મુજબ તે ગુનોં નોંધી આરોપીની શોધખોળ આદરી છે.