જામનગરમાં વિધવા પુત્રવધુ પર સાસરિયાનો સિતમ: જેઠ અને સાસુએ ધોકા વડે માર માર્યો
- સસરા બિભત્સ માંગણી કરી તેની દિકરીઓને મારી નાખવાની ધમકી આપી હોવાની ફરીયાદ
દેશ દેવી ન્યુઝ જામનગર તા. ૨૪ ઓક્ટોબર ૨૩ જામનગરમાં એક વિધવા મહિલાએ પોતાના સાસુ-સસરા અને જેઠ શારિરીક-માનસિક ત્રાસ આપતા હોવાની ફરિયાદ નેાંધાવી છે. આ બનાવની વિગત એવી છે કે, જામનગર શહેરના જુના રેલવે સ્ટેશન પાસે ભીમવાસ શેરી નં.૧ માં રહેતા પ્રવિણાબેન અશોકભાઈ જાદવની ફરિયાદ મુજબ તેણીના પતિનું એકાદ વર્ષ પૂર્વે અવસાન થતાં તેણી તેમની ત્રણ દિકરીઓ સાથે રહી ખાનગી શાળામાં કચરા પોતા કરી પોતાનું ગુજરાન ચલાવી રહ્યા છે.
સમગ્ર બનાવ અંગે તેણીએ સીટી-બી ડીવીઝન પોલીસ મથકમાં ફરિયાદ નોંધાવતાં પોલીસે આઈ.પી. કલમ- ૪૯૮ (એ), ૩૫૪ (સી), ૩૨૩, ૫૦૪, ૫૦૬ (૨), ૧૧૪ તથા જી.પી એક્ટ કલમ-૧૩૫(૧) મુજબ ફરિયાદ નોંધી વધુ તપાસ હાથ ધરી છે.
