જામનગરના ગાંધીનગર વિસ્તારમાં આવેલ પાર્ટી પ્લોટની ઓફીસમાં તોડફોડ: અજાણ્યા સામે ફરિયાદ

જામનગરના ગાંધીનગર વિસ્તારમાં આવેલ પાર્ટી પ્લોટની ઓફીસમાં તોડફોડ: અજાણ્યા શખસો સામે ફરિયાદ

દેશ દેવી ન્યુઝ જામનગર: ૧૧ જુલાઇ ૨૨ જામનગર શહેરના ગાંધીનગર વિસ્તારમાં આવેલ પાર્ટીપ્લોટમાં કોઈ અજાણ્યા વ્યક્તિએ તોડફોડ કરી ઓફિસના ખાનામાં સાડા આઠ હજારની મતા ચોરી ગયાની ફરીયાદ સીટી-બી મથકે નોંધાતા ચકચાર મચી જવા પામી છે. જામનગર શહેરના ગાંધીનગર, પુનીતનગર શેરી નં.ર, નવા આશાપુરા મંદિરની બાજુમાં રહેતા હરેન્દ્રસિંહ ઉર્ફે પદીયો ભનુભા ચુડાસમા એ સીટી બી ડિવીઝન પોલીસ સ્ટેશનમાં ફરીયાદ નોંધાવી છે કે, ગાંધીનગર નવી સ્મશાન રોડ, શીવ પાર્ક સોસાયટીની બાજુમાં ખોડીયાર પાર્ટી પ્લોટમાં ફરીયાદી હરેન્દ્રસિંહની ઓફીસની એલ્યુમીનીયમ સેકશનવાળી કાચની બારી તોડી તથા દરવાજાનો લોક તોડી અંદર પ્રવેશી ઓફીસમાં રાખેલ એક સી.સી.ટીવી કેમેરામાં તોડફોડ કરી આશરે રૂપિયા 3000/- નું નુકશાન કરી તથા ઓફીસના કાઉન્ટરના ટેબલનું ખાનુ તોડી ધંધાના રોકડા રૂપિયા 8,500/ની કોઈ અજાણ્યો ચોર ઈસમ ચોરી કરી લઈ ગયાની ફરીયાદ કરતા પોલીસ આગળની તપાસ હાથ અને શંકાસ્પદોની તરફ તપાસ લંબાવી છે.

આથી સીટી-બી ડિવિઝન પોલીસે IPC કલમ ૩૮૦, ૪૫૪, ૪૫૭,૪૨૭, ૧૧૪ મુજબ ગુનોં નોંધી આગળની તપાસ PSI સપીયા ચલાવી રહ્યા છે.