જામનગરમાં પ્રજાપતિ યુવાનને પૈસા વસૂલી માટે ત્રિપૂટીએ આપી ધમકી: ઓડિયો વાઈરલથી ખળભળાટ

જામનગરમાં પૈસા વસૂલીની ઓડિયોએ ચર્ચા જગાવી..

આરોપીઓએ ઇન્ચાર્જ SPના નામનો પણ કર્યો ઉલ્લેખ કરતા ચકચાર..

દેશ દેવી ન્યુઝ જામનગર 11.જામનગરમાં દિવસે દિવસે વ્યાજખોરોનો ત્રાસ વધતો જોવા મળી રહ્યો છે અને આ વ્યાજખોરો પઠાણી ઉઘરાણી કરી અને પૈસા વસુલ થતા હોવાની ઘટનાઓ વારંવાર બહાર આવે છે ત્યારે આજરોજ સીટી બી ડિવિઝનમાં એક પોલીસ ફરિયાદ નોંધાઇ છે.

પાર્થ પરમાર અને નિખિલ ગુજરાતી વચ્ચે થયેલી વાતચીતનો ઓડિયો વાયરલ થયો છે સોશિયલ મીડિયામાં… મહેશ ગોજીયા નામનો શખ્સ નિખિલ ભરતભાઈ ગુજરાતી પાસે પૈસાની પઠાણી ઉઘરાણી કરતો હોવાનો આ ઓડિયોમાં ઉલ્લેખ થયો છે… જામનગર સીટી સી ડિવિઝનમાં ત્રણ આરોપી વિરુદ્ધ પોલીસ ફરિયાદ નોંધાઇ છે પાર્થ પરમાર શક્તિ પરમાર અને મહેશ ગોજીયા સામે પૈસા વસુલ એની ફરિયાદ નોંધાવવામાં આવી છે.

ઇ.પી.કો. કલમ –૩૮૫ , ૫૦૪ મુજબ તે એવી રીતે કે આ કામેના આરોપી નં . ( ૧ ) વાળાએ રૂપીયા .૨,૨૫,૦૦૦ તથા નંર વાળાએ રૂપીયા ૩,૦૦,૦૦૦ આ કામેના ફરીયાદીને પાંચ ટકા નફા પેટે ઈન્વેસ્ટમેન્ કરવા આપેલ હોય જે રકમ આ કામેના ફરિયાદી પોતાની આર્થીક પરિસ્થિતિ ખરાબ હોવાને લીધે ચુકવી શકેલ ન હોય જેથી આ કામેના ઉપરોકત ત્રણેય આરોપીઓએ તેમના રોકાણના રૂપીયા અને નફાના રૂપીયા ચુકવી આપવા ફરીયાદીને બળજબરીથી દબાણ કરી માર મારવાની ધાકધમકીઓ આપી ગુન્હો કર્યાની ફરિયાદ નોંધાઈ છે..

સમગ્ર ઓડિયોમાં ઇન્ચાર્જ જિલ્લા પોલીસ વડાનો ઉલ્લેખ થતાં ભારે ચકચાર મચી ગઇ છે..આરોપીઓ SP ની લાગવગ ધરાવતા હોવાનો ઉલ્લેખ થતા ભારે ચર્ચા જાગી છે…