જામનગરના ગાંધીનગર વિસ્તારમાં નવા મંજૂર થયેલા ડિસ્ટ્રીક સ્પોર્ટ્સ સંકુલ માટે ના મંજુર થયેલા ગ્રાઉન્ડનું ધારાસભ્ય દ્વારા નિરીક્ષણ કરાયું
દેશ દેવી ન્યૂઝ જામનગર તા ૨૩ ફેબ્રુઆરી ૨૪, જામનગરના ગાંધીનગર વિસ્તારમાં બ્રુક બોન્ડ વાળી જુની જગ્યામાં નવુ ડિસ્ટ્રીક સ્પોર્ટ્સ કોમ્પલેક્ષ ઉભું કરવા માટેની રાજ્ય સરકાર દ્વારા મંજૂરી આપવામાં આવી છે, ત્યારે આજે જેમના પ્રયાસોથી આ જગ્યા મંજૂર થઈ છે, તે ૭૮- વિધાનસભા વિસ્તારના ધારાસભ્ય રિવાબા જાડેજા દ્વારા સ્થળ પર નિરીક્ષણ કરવામાં આવ્યું હતું.રાજ્ય સરકાર દ્વારા આવતા માસમાં ઉપરોક્ત જગ્યાએ ખાતમુહૂર્ત કરવામાં આવનાર છે, ત્યારે ગઈકાલથી જ આ જગ્યા પર જેસીબી મશીન વગેરે લગાવીને જગ્યા સમથળ કરવાનું કામકાજ શરૂ કરી દેવામાં આવ્યું છે. દરમિયાન આજે ૭૮- વિધાનસભા વિસ્તારના ધારાસભ્ય રિવાબા જાડેજા દ્વારા સ્પોર્ટ ઓથોરિટી ની ટીમને સાથે રાખીને સ્થળ પર વિઝીટ કરવામાં આવી હતી, અને જગ્યાનું નિરીક્ષણ કરાયું હતું.આ વેળાએ જામનગર મહાનગરપાલિકાના શાશકજૂથના નેતા આશિષભાઈ જોશી, શહેર ભાજપના મહામંત્રી મેરામણભાઇ ભાટુ, ઉપરાંત વોર્ડ નંબર ૨, ૩ અને ૪ ના તમામ કોર્પોરેટરો, સ્થાનિક વોર્ડના પ્રમુખ તેમજ અન્ય આગ્રણીઓ ઉપસ્થિત રહ્યા હતા, અને સમગ્ર ૪૮,૦૦૦ ચોરસ મીટર જગ્યા નું નિરીક્ષણ કર્યું હતું.
