જામનગર નજીક નાઘેડી વિસ્તારમાંથી ૨૦ વર્ષીય યુવતી લાપતા બની જતાં પરિવારજનોમાં ચિંતા: પોલીસ દ્વારા શોધખોળ
દેશ દેવી ન્યૂઝ જામનગર તા ૧૨ એપ્રિલ ૨૪ જામનગર નજીક નાઘેડી માં રહેતી ૨૦ વર્ષ ની અપરણિત યુવતી પોતાના ઘેરથી એકા એક લાપત્તા બની જતાં પરિવારજનોમાં ચિંતા નું મોઝૂં ફરી વળ્યું છે. જે અંગે મેઘપર પોલીસ મથકમાં ગુમ નોંધ કરાવાતાં મેઘપર પોલીસ દ્વારા તેની શોધખોળ શરૂ કરાઈ છે.
જામનગર નજીક નાઘેડી માં રહેતા અને મૂળ કલ્યાણપુર તાલુકાના કેનેડી ગામના વતની જયરામભાઈ નારણભાઈ ડાભી કે જેઓએ મેઘપર પોલીસ મથક નો સંપર્ક સાધ્યો હતો, અને ગત ૭ મી તારીખે રાત્રિના સમયે પોતાની પુત્રી પૂજાબેન (ઉ.વ.૨૦) કે જે રાત્રીના સમયે પોતાના ઘરમાંથી એકાએક લાપત્તા બની ગઈ હતી. પરિવારજનો દ્વારા તેની અનેક સ્થળોએ શોધખોળ કર્યા પછી પણ કોઈ પતો સાંપડ્યો ન હતો. જેને વાલની તકલીફ છે, તેમજ ૧૧ ધોરણ સુધીનો અભ્યાસ કરેલો છે, અને તેણી ગુજરાતી તેમજ હિન્દી ભાષા જાણે છે.
જે પોતાની સાથે આધારકાર્ડ તેમજ જન્મ તારીખ નો દાખલો વગેરે પર સાથે લઈ ગઇ હોય તેવું જાણવા મળ્યું છે. જેરામભાઇ દ્વારા મેઘપર પોલીસ મથકમાં પોતાની પુત્રી ગુમ થઈ ગઈ હોવાની જાહેરાત કરતાં મેઘપરના પોલીસ હેડ કોન્સ્ટેબલ વી.સી. જાડેજા દ્વારા તેણીની શોધખોળ કરવામાં આવી રહી છે.
