જામનગરના બજરંગપુરમાં એસ.ટી. બસ પર પથ્થરમારો
દેશ દેવી ન્યુઝ જામનગર તા.૨૩ ફેબ્રુઆરી ૨૩ : જામનગર તાલુકાના બજરંગપુર ગામમાં કોઈ અજાણે શખ્સે એસટી બસના કાચ પર પથ્થર મારો કરી કાચ તોડી નાખ્યાની પોલીસ ફરિયાદ નોંધાવાઇ છે. જામનગર તાલુકાના બજરંગપુર ગામમાં રાત્રિના સમયે પાર્ક કરીને રાખવામાં આવેલી GJ-18 Z 3597 નંબરની બસમાં ડ્રાઇવર સાઇડ તરફ કોઈ અજાણ્યા શખ્સોએ પથ્થરનાર મારો કરી કાચ તોડી નાખ્યો હતો. જે બાબતે એસ.ટી. બસના ચાલક લગધીરસિંહ જગદીશસિંહ ચુડાસમાએ પંચકોશી એ. ડિવિઝન પોલીસ મથકમાં એસટી બસનો કાચ તોડી નાખી સરકારી મિલકતને રૂપિયા 4500 નું નુકસાન પહોંચાડવા અંગે અજાણ્યા શખ્સ સામે ફરિયાદ નોંધાવતાં પોલીસે તપાસ શરૂ કરી છે.
