જામનગર જિલ્લા પંચાયતના આરોગ્યકર્મી વિરૂદ્ધ ‘પત્નિ’ બની રણચંડી

નાની-નાની વાતમાં ઝઘડો કરી મારકુટ કરતા પતિ વિરૂદ્ધ મહિલા બની રણચંડી. આરોગ્ય કર્મી પતિ શારિરીક – માનસિક ત્રાસ આપી ,મારઝુડ કરી , અવાર નવાર મેણા ટોણા મારતાં હતા  પીડિત પરિણીતાએ છેવટે જામનગરની મહિલા પોલીસ મથકનો સહારો. દેશ દેવી ન્યુઝ જામનગર 17. જામનગર શહેરના ગોલ્ડન સીટી સામે આવેલ ફુલચંદ તંબોલીભવન એ વિંગ -૪૦૪માં રહેતા પરિણીતાને તેના પતિ શારિરીક અને માનસીક ત્રાસ આપતા હતા . તેમજ મારઝડુ કરી ઘરમાંથી કાઢી મુકતાં પરણિતાએ મહિલા પોલીસ મથકે ફરિયાદ નોંધાવી છે.

જામનગર શહેરના પોલીસ હેડ કવાર્ટસની પાછળ ગોલ્ડન સીટી સામે આવેલ ફુલચંદ તંબોલીભવન  વિંગ A -૪૦૪ આવાસમાં રહેતા જેસલબેન વિશાલભાઈ હિમંતદાન ત્રિવેદીએ જિલ્લા પંચાયત આરોગ્ય શાખામાં સુપરવાઇઝર તરીકે ફરજ બજાવતા પતિ વિરૂદ્ધ નાની નાની બાબતમાં ઝગડો કરી મારકુટ કરી દુખ ત્રાસ આપ્યાની ફરીયાદ કરતા ચકચાર જાગી છે.આથી મહિલા પોલીસે જેસલબેન ત્રિવેદીની ફરીયાદ પરથી વિશાલભાઈ હિમંતદાન ત્રિવેદી વિરૂદ્ધ મહિલા અત્યાચાર સહિતની આઈ.પી.સી.કલમ ૪૯૮ ( એ ) , ૩૨૩ મુજબ ગુનોં નોંધી આરોપીની ધરપકડના ચકો ગતિમાન કર્યાં છે.