જામનગર મહાનગર પાલિકાના યોગ કો-ઓર્ડિનેટર રાજેશ્રી પટેલ દ્વારા પ્રમાણપત્ર વિતરણ
સૌરાષ્ટ્ર-કચ્છ ઝોનના કો-ઓર્ડિનેટરની ખાસ ઉપસ્થિતિ.
આ તબક્કે જામનગર જીલ્લામાં ગુજરાત રાજય યોગ બોર્ડ દ્વારા આયોજીત યોગ ટ્રેનર તાલીમ શિબિરમાં જામનગર જીલ્લાના મહાનગર પાલિકા યોગ કોઓર્ડીનેટર રાજેશ્રીબેન પટેલ કે જેઓ ગુલાબકુંવરબા આયુર્વેદિક સોસાયટી સાથે પણ સંકળાયેલ છે.
તેમના દ્વારા ગુજરાત યોગ બોર્ડની તાલીમ લીધેલા યોગ ટ્રેનરોને પ્રમાણપત્ર વિતરણ સમારોહ હોટલ શયાજી, ગુરૂદ્વારા સર્કલ પાસે રાખવામાં આવેલ હતો.
આ કાર્યક્રમમાં ગુજરાત રાજય યોગ બોર્ડ સૌરાષ્ટ્ર અને કચ્છ ઝોનના હેડ કો ઓર્ડિનેટર અનિલભાઇ ત્રિવેદી ઉપસ્થિત રહ્યા હતા. જે જામનગરના ટ્રેનરો માટે ગર્વની વાત છે અનિલભાઇ ત્રિવેદીના પ્રોત્સાહક યોગ સેવા અને ઉત્કૃષ્ટ શબ્દો દ્વારા યોગ ટ્રેનરોને યોગ ક્ષેત્રે વધુ સારી રીતે કામગીરી કરવાની પ્રેરણા મળી છે.
આ ઉપરાંત શ્રદ્ધા કરમુર, જયશ્રી ગોજીયા, ભીગીષા ચૌહાણની ટીમવર્ક અને સાથ સહકારથી કાર્યક્રમ સફળતાપૂર્વક સોળેકળાએ ખીલી ઉઠ્યો હતો.
