જામનગરના બેડીમાં સરકારી જમીનમાં ગેરકાયદે ખડકી દેવાયેલા બંગલાને તોડી પાડવા માટે જામનગર પોલીસનું મેગા ઓપરેશન
- ખુદ જિલ્લા પોલીસવડા ની રાહબરીમાં બંગલા સહિતના ગેરકાયદે બાંધકામ પર બુલડોઝર ફરી વળ્યું
- એસડીએમ- મામલતદાર ની ટીમ ની હાજરીમાં કુખ્યાત રજાક સાઈચા નો ગેરકાયદેસર બંગલો જમીનદોસ્ત કરાયો
દેશ દેવી ન્યુઝ જામનગર તા ૩૦ ડીસેમ્બર ૨૩, અગાઉ અમદાવાદ શહેરમાં કુખ્યાત અને ગુનાહિત માનસિકતા ધરાવતા ગુનેગારોના ગેરકાયદેસર મકાન, બિલ્ડિંગ પર બુલડોઝરથી ધમરોળવા માટે જાણીતા યંગ આઇપીએસ ઓફિસર પ્રેમસુખ ડેલૂ ના ફરીથી બુલડોઝર અભિયાનનો શંખ આજે જામનગરમાં ફૂકાયો છે. અને બેડી વિસ્તારમાં નામચીન ગુનેગાર રજાક સાયચા દ્વારા સરકારી જમીનમાં ખડકી દેવાયેલો મોટો બંગલો કે જેના પર આજે ભારે પોલીસ બંદોબસ્ત ની હાજરીમાં બંગલો જમીનદોસ્ત કરી દેવામાં આવ્યો છે.
હાલમાં જામનગર જિલ્લા ખાતે પોલીસ અધિક્ષક તરીકે ફરજ બજાવતા પ્રેમસુખ ડેલૂ એ જામનગર શહેરમાં જુગારનો અડ્ડો થી લઈને સામાન્ય લોકોને રંજાડીને ખૂનની કોશિશ, મારામારી જેવા અસંખ્ય ગુના આચરીને કહેર મચાવનાર કુખ્યાત ગુનેગાર રજાક સાઇચાનાં સરકારી જગ્યા પર ગેરકાયદેસર બંગલો બનાવીને કબ્જો કરલાં બંગલો પર બુલડોઝર ફેરવીને જમીન પરાસ્ત કરી નાખવામાં આવી છે.આ કુખ્યાત ગુનેગાર અને તેના પરિવાર વિરૂદ્ધ જામનગર જિલ્લામાં ખુનની કોશિશ, રાયોટિંગ, વ્યાજ વટાવ, સરકારી કર્મચારી પર હુમલો, મકાન પચાવી પાડવા, મારામારી, જાનથી મારી નાખવાની ધમકી, જુગાર, પ્રોહિબિશન જેવા અંદાજિત ૫૦ (પચાસ) કરતાં પણ વધારે ગુનાઓ દાખલ થયેલાં છે.
એટલું જ માત્ર નહીં તેણે સરકારી જમીનમાં ગેરકાયદે પેશ કદમી કરી હોવાથી સરકારી જમીન ખાલી કરાવવા માટે આજે જામનગર ના પોલીસ વિભાગ માં મોટુ ઓપરેશન કહી શકાય તેવી કાર્યવાહી કરવામાં આવી હતી.જિલ્લા પોલીસ વડા પ્રેમસુખ ડેલુ ની સાથે શહેર વિભાગના ડીવાયએસપી જયવીરસિંહ ઝાલા, તેમજ એલસીબી એસ.ઓ.જી. અને તેમના સ્ટાફ ઉપરાંત જામનગરના સીટી બી. ડિવિઝનના હરદીપસિંહ.ઝાલા અને તેમની સમગ્ર ટીમ, બેડી મરીન પોલીસ સ્ટેશન ની ટિમ વગેરે સહિતનો પોલીસ કાફલો મોટી સંખ્યામાં જોડાયો હતો.
સાથો સાથ જામનગરની એસ.ડી.એમ. કચેરી ની ટીમ અને શહેર વિભાગના મામલતદાર ની ટીમ તથા જામનગર મહાનગરપાલિકાની ટીમ વગેરે પણ જોડાયા હતા. આ ડિમલેશનની કાર્યવાહીને લઈને સમગ્ર બેડી વિસ્તારમાં સોંપો પડી ગયો છે.
