જામનગર જીલ્લામાં હત્યાના વધુ એક બનાવથી ચકચાર
- નાની રાફુદડમાંથી ચંગા ગામની લાપતા બનેલી યુવતીનો હત્યા કરાયેલો મૃતદેહ સાંપડ્યો: પોલીસ તપાસનો ધમધમાટ
- મૃતક યુવતિ અને દરેડ ગામનો ભાવેશ બંને એક કારખાનામાં સાથે જ કામ કરતા હોય અને પરિચીત હોય તે દીશામાં પણ તપાસ
દેશ દેવી ન્યુઝ જામનગર: તા.૦૬ એપ્રિલ ૨૩ જામનગર તાલુકાના ચંગા ગામમાં રહેતી અર્ચનાબેન મનસુખભાઈ કણજારીયા નામની 23 વર્ષીય અપરણીત યુવતી કે જે ગઈ રાત્રે પોતાના ઘેરથી એકાએક લાપતા બની હતી. જે મૃતદેહની બાજુમાં છરી- લોહી વાળો પથ્થર સહિતના હથિયારો મળી આવ્યા હતા, ઉપરાંત બનાવ ના સ્થળેથી દરેડ વિસ્તારમાં રહેતા ભાવેશ રણછોડભાઈ સોનગરા નામના 23 વર્ષના શખ્સ ના ડોક્યુમેન્ટ મળી આવ્યા હતા. તેથી પોલીસ દ્વારા તેની શોધખોળ ચલાવવામાં આવી રહી છે.
મૃતક યુવતી અર્ચનાબેન કે જે ગઈ મોડી રાત્રે લાપતા બન્યા પછી આજે વહેલી સવારે ભાવેશ નામના શખ્સનો અર્ચનાબેન ના પિતાને સવારે 8.30 વાગ્યાના અરસામાં ફોન આવ્યો હતો, અને વોટ્સએપ ચાલુ કરવા જણાવ્યું હતું. અર્ચના ના પિતાએ વોટ્સએપ ચાલુ કરતાં તેમાં એક વિડીયો ક્લિપ આવી હતી, જે ભાવેશે મોકલાવી હતી, અને તેમાં તેની પુત્રી અર્ચના કાકલુદી કરી રહેલી જોવા મળતી હતી.
અર્ચનાબેન નો પરિવાર તાત્કાલિક અસરથી લાલપુર પોલીસ સ્ટેશને પહોંચ્યો હતો, અને લાલપુર તાલુકાના નાની રાફુદળ ગામમાં ભાવેશ ના કાકા જયંતીભાઈ ની વાડી આવેલી છે, તે વાડીમાં તપાસ કરવાના અર્થે પહોંચ્યા હતા. જ્યાં વાડીની ઓરડીમાંથી અર્ચના નો મૃતદેબ મળી આવતા પરિવારજનો ભાંગી પડ્યા હતા. પોલીસે મૃતદેહ નો કબજો સંભાળી ભાવેશના ડોક્યુમેન્ટ કબજે કર્યા છે, જ્યારે અર્ચનાબેન ના પિતાની ફરિયાદના આધારે ભાવેશ સામે હત્યાનો ગુનો નોંધી તેની શોધ ખોળ હાથ કરી છે
પોલીસની પ્રાથમિક પૂછપરછ દરમિયાન ચંગા ગામની અર્ચના અને દરેડ ગામનો ભાવેશ કે જે બંને દરેડ વિસ્તારના એક કારખાનામાં સાથે જ કામ કરતા હતા, અને એકબીજાના પરિચયમાં હતા. દરમિયાન કોઈપણ રીતે અર્ચના ઘેરથી નીકળી ગયા પછી તેણીનો મૃતદેહ હાથ લાગ્યો હતો. સમગ્ર મામલે લાલપુર પોલીસની ટિમ તપાસ ચલાવી રહી છે, અને આરોપી ભાવેશને શોધી રહી છે.
