જામનગરના દરેડમાં ગર્ભવતી નેપાળી મહિલાની હત્યાથી ચકચાર.

જામનગરના દરેડમાં ગર્ભવતી નેપાળી મહિલાની હત્યા.

જામનગર સીમાડે આવેલ દરેડ ગામમાં રવિવારના રોજ એક નેપાળી મહિલાની હત્યાથી ચકચાર મચી જવા પામી હતી.આ અંગેની જાણ પોલીસને કરાતા પોલીસ કાફલો ઘટના સ્થળે પહોંચી ગયો હતો અને હત્યા કોણે અને શા માટે કરી તે તપાસનો ધમધમાટ શરૂ કર્યો હતો. જામનગર નજીક આવેલ દરેડ ગામમાં એક ગર્ભવતી મહિલાની હત્યા થતા પોલીસે શંકાસ્પદની પુછપરછ ચાલું કરી છે.

જાણવા મળતી વિગતો મુજબ ભૂમિસિંહ નામની આ પાંત્રીશ વર્ષીય મહિલા ગર્ભવતી હતી અને તેના પેટમાં બાળક ઉછરી રહ્યું હતું.

જામનગર નજીક આવેલ દરેડ ગામમાં એક ગર્ભવતી મહિલાની હત્યાની ઘટના સામે આવતા પંચકોશી બી ડીવીઝન પોલીસ એલસીબી સહિતનો કાફલો સ્થળ પર દોડી જઈ અને તપાસ આરંભી છે, જે રીતે પ્રાથમિક માહિતી મળી રહી છે તે મુજબ જામનગર દરેડ એફસીઆઈ ગોડાઉન પાછળ એક મહિલાની તીક્ષ્ણ હથિયારના ઘા ઝીંકી હત્યા કરવામાં આવી છેએવામાં આ મહિલાની કોને ક્યાં કારણોસર હત્યા નીપજાવી છે તે તપાસ માટે ખુદ ગ્રામ્ય ડીવાયએસપી કુનાલ દેસાઈ, પંચકોશી બી ડીવીઝન પીએસઆઈ સી.એમ.કાંટેલિયા અને એલસીબી અને એસ.ઓ.જીની ટીમો કામે લાગી છે.