જામનગર લાલપુરના મેઘપરમાં રહેતી ૨૨ વર્ષની યુવતી લાપત્તા

લાલપુરના મેઘપરમાં રહેતી ૨૨ વર્ષ ની યુવતી લાપત્તા થઈ જતાં પરિવારજનોમાં ચિંતા : ગુમ નોંધ કરાવાઈ

દેશ દેવી ન્યૂઝ જામનગર તા ૨૩ જાન્યુઆરી ૨૫, જામનગર જિલ્લાના લાલપુર તાલુકાના મેઘપર ગામમાં રહેતી ૨૨ વર્ષીય અપરણીત યુવતી પોતાના ઘરેથી એકાએક લાપતા બની જતાં પરિવારજનો ચિંતામાં મુકાયા છે, અને મેઘપર પોલીસ મથકમાં ગુમનોંધ કરાવાઈ છે. જેને પોલીસ શોધી રહી છે.લાલપુર નજીક મેઘપર ગામમાં રહેતી સપના ઉર્ફે ભૂમિ વકુભાઈ પરમાર નામની ૨૨ વર્ષની અપરણીત યુવતી કે જે પોતાના ઘેરથી ગત ૨૧મી તારીખે એકાએક લાપત્તા બની ગઈ હતી. પરિવારજનો એ તેની અનેક સ્થળે શોધખોળ કર્યા પછી પણ કોઈ પત્તો સાંપડ્યો ન હતો.આથી આખરે જામનગરના મેઘપર પોલીસનો સંપર્ક સાધવામાં આવ્યો હતો, અને ગુમ નોંધ કરાવતાં મેઘપર પોલીસ તેણીને શોધી રહી છે.