મહાલક્ષ્મી ચોકમાં કલ્પેશ શાહના મકાનમાં ગેરકાયદેસર કબજો કરનાર વિજય રાયઠઠ્ઠા સામે લેન્ડ ગ્રેબીંગની ફરીયાદ

જામનગરમાં મકાનનો બળજબરીથી કબજો જમાવીને બેઠલા શખસ સામે લેન્ડ ગ્રેબીંગની ફરિયાદ

દેશ દેવી ન્યુઝ નેટવર્ક જામનગર: જામનગરમાં જી.ડી.શાહ સ્કૂલ પાસે ના દર્શન એપાર્ટમેન્ટમાં રહેતા કલ્પેશભાઈ મનસુખલાલ શાહ ની માલિકી નું મકાન મહાલક્ષ્મી ચોક માં આવેલું છે.

આ મકાન માં બળજબરીથી વિજય કરસનભાઈ રાયઠઠ્ઠા એ ગત જાન્યુઆરી -2021 થી ગેરકાયદે કબજો કરી લીધો હતો. અનેક વખત સૂચના આપવા છતાં મકાન ખાલી કરતો ન હતો.આખરે ગઈકાલે કલ્પેશભાઈ શાહ એ આરોપી વિજય રાયઠઠ્ઠા સામે પોલીસ માં ફરિયાદ નોંધાવી હતી.આથી પોલીસે લેન્ડ ગ્રેબિંગ ની કલમ હેઠળ ફરિયાદ નોંધી વધુ તપાસ હાથ ધરી છે.

મકાન માલિક દ્વારા નવા લેન્ડ ગ્રેબિંગ એક ના કાયદા ને અનુસરીને જામનગરના જિલ્લા કલેકટર સમક્ષ મકાન ખાલી કરાવવા બાબતે અરજી કરવામાં આવી હતી. ત્યાર પછી તે અરજીને પોલીસ તપાસમાં મોકલવાની હતી, અને સિટી એ ડિવિઝન પોલીસ તપાસ દરમિયાન આ મામલે ગુનો બનતો હોવાથી પોલીસે મકાનો ગેરકાયદે મેળવી લેનાર આરપી સામેં લેન્ડ ગ્રેબિંગ એક્ટ હેઠળ ગુનો દાખલ કર્યો છે.