જામનગરના દરેડમાં ૧૩ વર્ષની સગીરાનું અપહરણ

જામનગર નજીક દરેડ વિસ્તારમાંથી ૧૩ વર્ષની પરપ્રાંતીય સગીરાનું અપહરણ

• પાડોશમાં રહેતો પર પ્રાંતીય શખ્સ લગ્ન કરવાના ઇરાદા થી ઉઠાવી ગયા ની પોલીસ ફરિયાદ

દેશ દેવી ન્યૂઝ જામનગર તા ૨૩, ડીસેમ્બર ૨૪ જામનગર નજીક દરેડ જીઆઇડીસી વિસ્તારમાં રહેતા એક પરપ્રાંતિય શ્રમિક પરિવારની ૧૩ વર્ષની સગીરાનું તેણીના ઘેરથી અપહરણ થઈ ગયું છે, અને નજીકમાં જ રહેતો અને મજૂરી કામ કરતો પરપ્રાંતીય શખ્સ લગ્ન કરવાના ઈરાદા થી ઉઠાવી ગયો હોવાની પોલીસમાં જાહેરાત થઈ છે.જામનગર નજીક દરેડ જી.આઈ.ડી.સી. વિસ્તારમાં એક કારખાનામાં રહીને મજૂરી કામ કરતા મૂળ મધ્યપ્રદેશના વતની પરપ્રાંતિય શ્રમિક પરિવારની ૧૩ વર્ષ ની સગીરાનુ બે દિવસ પહેલા અપહરણ થઈ ગયું હતું. જેની પરિવારજનો અને પોલીસે શોધખોળ શરૂ કરતાં માલુમ પડ્યું હતું, કે તેના પાડોશમાં જ રહેતો અને મૂળ મધ્યપ્રદેશનો વતની નાનકાભાઈ ધુલિયાભાઈ ભાભોર કે જે લગ્ન કરવાના ઇરાદે સગીરાને ઉઠાવી ગયો હોવાનું ધ્યાનમાં આવતાં સગીરાના પિતા દ્વારા જામનગરના પંચકોષી બી. ડિવિઝન પોલીસ મથકમાં પોતાની પુત્રીનું અપહરણ કરી જવા અંગે પરપ્રાંતીય શખ્સ સામે ફરિયાદ નોંધાવી છે.જે ફરિયાદના અનુસંધાને પંચશી બી. ડિવિઝન ના પોલીસ સ્ટાફે તેની શોધખોળ શરૂ કરી છે.