એક મહિલા ઘાતક શસ્ત્રો સાથે ST માં આવે છે, તેવો ફોન પોલીસ કંટ્રોલ રૂમમાં આવતા મચી દોડધામ..
લાલપુર બાયપાસ રોડ પર પોલીસના ધાડે-ધાડા ઉતર્યાઃ પોલીસને ધંધે લગાડનાર હાથે ચડી ગયો.
દેશ દેવી ન્યુઝ નેટવર્ક જામનગર ૨૬.જામનગર શહેરના પોલીસ કંટ્રોલ રૂમમાં રવિવારે બપોરે એક વ્યક્તિએ જુદા જુદા બે મોબાઈલમાંથી ફોન કરી જણાવ્યું હતું . કે , દ્વારકાથી વાયા પોરબંદરવાળી બસમાં એક મહિલા પાસે ખતરનાક હથિયારો છે.
તેવી માહિતી મળતા જ પોલીસ કંટ્રોલ રૂમે એલસીબી , એસઓજી , પંચ – બી સહિતની પોલીસને જાણ કરતા પોલીસ ટૂકડીઓ લાલપુર બાયપાસથી અન્ય જગ્યાઓ પર ચેકીંગમાં જોતરાઈ ગઈ હતી , પરંતુ એસટીના ચેકીંગ અને જે સ્ત્રીનું વર્ણન કરવામાં આવ્યું હતું તેની શોધખોળ કરતા કોઈ મળી આવ્યું ન હતું .
પોલીસ દરમિયાન કંટ્રોલ રૂમમાં જે નંબર પરથી ફોન આવ્યો હતો તેની ચકાસણી કરતા મોટા થાવરિયા ગામના મિલન ભાણજીભાઈ મકવાણા નામના શખસનું નામ ખૂલ્યું હતું .
પોલીસે મિલનને બોલાવીને પૂછપરછ કરતા પોતે ફેબ્રીકેશનનું કામ કરતો હોવાનું અને બારેક દિવસ પહેલા એક અજાણ્યા નંબર પરથી કોલ આવ્યો હતો કે , હું અકબર બોલું છું , તું મારી બાતમી પોલીસમાં આપી છે. આવી કોઈ બાતમી તેણે ન આપી હતી.
રવિવારે મિલન લાલપુર ચોકડી પાસે હતો ત્યારે અકબર નામના શખસે તેના ફોનમાંથી પોલીસને ખોટી માહિતી આપી હતી જેના આધારે પોલીસે આ શખસ સામે ગુનો નોંધી તેની શોધખોળ હાથ ધરી છે. હાલ તો પોલીસ કંટ્રોલરૂમમાં ફોન કરનાર બંને ધંધે લાગી ગયા છે..
