જામનગરની જી.જી હોસ્પિટલમાં સર્ગભા સ્ત્રી સાથે અમાન્ય વર્તન
- મહિલા સીક્યોરીટી ગાર્ડ દ્વારા સર્ગભા સ્ત્રીના ચંપલને લાતો મારી ફેંકી દીધાની ઘટનાથી ચકચાર
- સમગ્ર ઘટનાનો Video સોશિયલ મીડિયામાં થયો વાયરલ
- એકબાજુ જનની સુરક્ષા યોજના હેઠળ સરકાર ગર્ભવતી સ્ત્રીઓને લઇ સતત ચિંતિત અને બીજી બાજુ સરકારી હોસ્પિટલમાં અમાનવીય વર્તન.!
દેશ દેવી ન્યુઝ જામનગર તા.૧ જૂન ૨૩ સતત વિવાદોમાં ઘેરાયેલી રહેતી જામનગરની જી જી હોસિપટલમાં સર્ગભા સ્ત્રીના ચંપલોને સીક્યોરીટી ગાર્ડ દ્વારા લાતો મારી બહાર ફેંકી દીધાની ઘટના પ્રકાશમાં આવતા ભારે ફિટકાર વરસી રહ્યો છે. બીજી બાજુ સમગ્ર ઘટનાનો વીડિયો સોશિયલ મીડિયામાં ખૂબ જ વાયરલ થઈ રહ્યો છે.
સુત્રોમાંથી જાણવા મળતી વિગત મુજબ શહેરની સરકારી હોસ્પિટલમાં સોનોગ્રાફી માટે આવતી મહિલાઓ દ્વારા વોર્ડ બહાર પોતાના ચંપલ ઉતારવામાં આવે છે. પરંતુ સોનોગ્રાફી બુથ માં ફરજ બજાવતા મહિલા સીક્યોરીટી ગાર્ડ દ્વારા સર્ગભા સ્ત્રીઓના ચંપલો ને લાતો મારીને બહાર ફેંકી દેવામાં આવતી હોવાની તથા અમાન્ય વર્તનની અનેક ફરિયાદ ઉઠવા પામી હતી જેને લઈ સર્ગભા સ્ત્રી અને સગાઓ સિક્યોરીટી ગાર્ડના રૂઆબથી ત્રસ્ત થઈ ગયા હતા તેવામાં આજરોજ સોનોગ્રાફી માટે આવતી સગર્ભા સ્ત્રીએ બહાર ઉતારેલા ચંપલને લાતો મારી દૂર દૂર ફેંકી દીધાની ઘટના સામે આવતા ભારે ફિટકાર વરસી રહ્યો છે.
બીજી બાજુ જનની સુરક્ષા યોજનાને લઇ રાષ્ટ્રીય સ્વાસ્થ્ય મિશન અંતર્ગત એક સુરક્ષિત માતૃત્વ કાર્યક્રમ હેઠળ હેતુ ગરીબ ગર્ભવતી મહિલામાં સુરક્ષિત પ્રસવને પ્રોત્સાહન આપવાનો છે પરંતુ જી.જી હોસ્પિટલમાં સીક્યોરીટી ગાર્ડના ગેર વર્તન, માર મારવાની અનેક ધટના ભૂતકાળમાં બની ચૂકી છે હાલતો સર્ગભા મહિલાનો બનાવને લઇ લોકોમાં ભારે રોષ જોવા મળી રહ્યો છે.
