જોડીયામાં મકાન માલિક પર ઈલેક્ટ્રીક ના કોન્ટ્રાક્ટર દ્વારા પૈસાની લેતી દેતી ના મામલે તકરાર કરી હુમલો કર્યાની ફરિયાદ
દેશ દેવી ન્યૂઝ જામનગર તા ૧૩ એપ્રિલ ૨૪ જામનગર જિલ્લાના જોડીયામાં એક મકાન માલિકે પોતાના મકાનમાં ઇલેક્ટ્રીક નું કામ રખાવ્યું હતું, જે કોન્ટ્રાક્ટર યુવાને પૈસાની લેતી લેતી ના મામલે મકાન માલિક સાથે તકરાર કરી હુમલો કર્યાની ફરિયાદ પોલીસમાં નોંધાવવામાં આવી છે.
આ ફરિયાદ અંગેના બનાવની વિગત એવી છે કે જામનગરમાં પંચવટી સોસાયટીમાં રહેતા ઇમરાનભાઈ સીદીભાઈ સમેજા નામના વેપારી કે જેઓનું જોડિયામાં મકાન આવેલું છે, જે મકાનમાં ઇલેક્ટ્રીક નું કામ કરવાનું હોવાથી તે કામનો કોન્ટ્રાક્ટ જોડિયામાં રહેતા અબુબકર મોહમ્મદ હનીફભાઈ ગંઢારને આપ્યો હતો, અને તે કામ મુજબના પૈસા ઉપરાંત વધારાના પૈસા પણ આપ્યા હતા. તેમ છતાં કોન્ટ્રાક્ટર દ્વારા વધુ પૈસા ની માંગણી કરવામાં આવતાં વધુ પૈસા આપવાની ના પાડી હતી. જેથી કોન્ટ્રાક્ટર અબુબકર ઉસકેરાઈ ગયો હતો, અને મકાન માલિક ઇમરાનભાઈ સમેજા ઉપર હુમલો કરી દીધો હતો.
જેથી સમગ્ર બનાવને જોડિયા પોલીસમથકમાં લઈ જવાયો છે, અને જોડિયા પોલીસે ઇમરાન ભાઈ સમેજાની ફરિયાદ ના આધારે હુમલાખોર આરોપી અબુભાઈ અબુબકર ગંઢાર સામે જુદી જુદી કલમો હેઠળ ગુનો નોંધી તેની શોધ ખોળ હાથ ધરી છે.
