જામનગરમાં BMW અડફેટ દંપતિ ખંડિત, પત્નિની હાલત નાજુક
જિલ્લા પંચાયત સદસ્ય લગધીરસિંહ જાડેજા 108 માં સાથે બેસી દંપતિને હોસ્પિટલ ખસેડ્યા
દેશ દેવી ન્યુઝ જામનગર તા.૧૬ નવેમ્બર ૨૩ જામનગર નજીક રામપરના પાટીયા પાસે પુરપાટ આવતી GJ10 DN OOO7 નંબરની BMW કારે બાઈક પર સવાર દંપતિને અડફેટે લેતા દિનેશ દેવરાજભાઈ મકવાણાનુંઘટનાસ્થળે કમકમાટીભર્યું મોત નીપજયું હતું જયારે પાછળ બેઠા તેના પત્ની અનીતાબેન મકવાણાને ગંભીર ઇજા થતા તાત્કાલીક સારવાર માટે હોસ્પિટલમાં ખસેડવામાં આવ્યા હતા બનાવની જાણતા પગલે સગા, સ્નેહીઓના ટોળા હોસ્પિટલ ખાતે ઉમટી પડ્યા હતા જેના પગલે પોલીસ હોસ્પિટલ ખાતે દોડી જઈ પુરતો બંદોબસ્ત ગોઠવી દીધો હતોસુત્રોમાંથી જાણવા મળતી માહિતી મુજબ જામનગરના નજીક બાણુગાર રામપર વચ્ચે પુરપાટ ઝડપે આવતી લકઝરી BMW કારે બાઈકને ફુટબોલ કરતા બાઇક પર સવાર દેવરાજભાઈ મકવાણાનું ઘટનાસ્થળે મોત થયું હતું જયારે તેમના પત્નીને માથાના ભાગે ગંભીર ઇજા થઇ હતી તેવામાં પોતાની વાડીએથી પરત ફરતા જિલ્લા પંચાયત સદસ્ય લગધીરસિંહ જાડેજાએ અકસ્માતમાં ભોગ બનનાર દંપતિની મદદે દોડી જઈ લોહીલુહાણ દંપતિને 108 માં પોતે સાથે બેસી જામનગર હોસ્પિટલ ખાતે લઇ આવેલ અને તાત્કાલિક સારવાર અપાવેલ જ્યા મૃતકના પત્નીની હાલત નાજુક ગણાવાઈ રહી છે.સમગ્ર અકસ્માત નજરે જોનાર લોકોનું કહેવું એવું હતું કે ગાડીની હાઇ સ્પીડ હતી અને અન્યનો પણ ભોગ લઈ લેત હાલતો પોલિસ દ્વારા તપાસનો ધમધમાટ શરૂ કર્યો છે. જ્યારે કાર ચાલક ગુલમામદ જુમાભાઈ સાટી ઉર્ફ રાજાની અટકાયત કરી છે.આ અકસ્માતે અમદાવાદમાં બનેલ અકસ્માતની ઘટના તાજી કરાવી દીધી હતી.
