હેપી વેલેન્ટાઈન ડે… પ્રેમ આંધળો હોય છે… બ્લાઇન્ડ શિક્ષકની અનોખી પ્રેમ કહાની.
દેશ દેવી ન્યુઝ જામનગર : 14.દરેક પ્રેમી જોડી વેલેન્ટાઈન વીકની રાહ આખું વર્ષ આતુરતાથી કરે છે. આ ખાસ વીકની શરૂઆત ગુલાબની સુગંધ એટલે કે રોઝ ડેથી થાય છે.
કપલ્સ આ દિવસને સ્પેશીયલ બનાવવાથી લઈને પ્રેમીને દિલનો હાલ જણાવવા સુધી, ગુલાબના ફૂલો તથા ચોકલેટનો સહારો લે છે. રોઝ ડે મનાવવા માટે ઘણા કિસ્સાઓ જણાવવામાં આવે છે.
જો તમે ROSE ના અક્ષરોને વ્યવસ્થિત કરો છો તો તે બની જાય છે ‘EROS’જે પ્રેમના દેવતા છે. ગ્રીક માઈથોલોજી અનુસાર, પ્રેમની દેવી Venusનું પણ પસંદીદા ફૂલ ગુલાબ છે. પરંતુ સંત વેલેન્ટાઈનની વાર્તા પ્રેમ કરવાવાળા દરેક દિલથી
એવું માનવામાં આવે છે કે વેલેન્ટાઈન નામ મૂળ સંત વેલેન્ટાઈન પરથી ઉતરી આવ્યું છે. જો કે સંત વેલેન્ટાઈન વિશે કોઈ ચોક્કસ ઈતિહાસ ઉપલબ્ધ નથી. 1969માં કેથલિક ચર્ચે કુલ 11 વેલેન્ટાઈન સંત હોવાની વાત સ્વીકારી હતી અને તેમની યાદમાં જ આ દિવસ મનાવવામાં આવે છે. કહેવામાં આવે છે કે સંત વેલેન્ટાઈને પોતાના મૃત્યુના સમયે જેલરની દીકરી જેકોબસને પોતાની આંખોનું દાન કર્યું. જેકોબસ અંધ હતી. આ બાદ સંતે એક પત્ર પણ લખ્યો અને તે પત્રમાં છેલ્લે લખ્યું હતું ‘વેલેન્ટાઈન’. આમ આ દિવસથી સંત વેલેન્ટાઈનની યાદમાં નિસ્વાર્થ ભાવે પ્રેમને યાદ કરીને વેલેન્ટાઈન દિવસની ઉજવણી કરવામાં આવે છે.
કહેવાય છે કે પ્રેમ આંધળો હોય છે….જામનગરમાં એક બલાઇન્ડ શિક્ષકની અનોખી પ્રેમ કહાની છે..બલાઇન્ડ હરેશ હિંડોસાને કોલેજ સમય દરમિયાન પત્ની પૂજા સાથે લવ થયો હતો અને પાંચ વર્ષ સુધી વાતચીત કર્યા બાદ પરિજનો ન માનતા આખરે કોર્ટ મેરેજ કર્યા હતા…
જામનગરમાં અંધજન વિવિધલક્ષી તાલીમ કેન્દ્રમાં કોમ્પ્યુટર ઇન્સ્ટ્રક્ચર તરીકે હરેશભાઇ ફરજ બજાવે છે…
કેવી રીતે શરૂ થઈ હતી લવ સ્ટોરી…..?
એક તો હરેશભાઇ નાનપણથી બલાઇન્ડ છે અને પૂજાબહેન સાથે વાતચીત દરમિયાન મિત્ર બન્યા બાદ પ્રેમ માં પડ્યા હતા જો કે નોર્મલ પ્રેમીઓના જીવનમાં આવતો અવરોધોની જેમ હરેશભાઈ અને પૂજાબહેન ના લગ્નમાં પણ પરિવારજનો મનાઈ ફરમાવી રહ્યા હતા આખરે આ બંને પ્રેમી પંખીડાઓએ ૫ મી ફેબ્રુઆરીના રોજ કોર્ટમાં લવ મેરેજ કરી લીધા હતા
પતિ-પત્ની એકબીજાં માટે કવિતા લખી વેલેન્ટાઈન ડેની કરી રહ્યા છે ઉજવણી
આજે વિશ્વભરમાં વેલેન્ટાઇન ડેની કરવામાં આવી રહી છે ઉજવણી ત્યારે જામનગરના અંધ શિક્ષકની પ્રેમ કહાની પણ કંઇક હટકે છે… અંધ શિક્ષક હરેશભાઈ પોતાની પત્ની માટે આજે પણ કવિતાઓ લખે છે તો પત્ની પૂજા પણ કવિતા પ્રેમી છે અને પોતાના પતિ માટે તેમણે પણ વેલેન્ટાઇન ડે નિમિત્તે કવિતા લખી છે..
નવ વર્ષ પહેલા અંધ શિક્ષક હરેશભાઈ અને પૂજા બહેને લગ્ન કર્યા હતા આજે તેમને ઘરે એક સંતાન પણ છે… હરેશભાઈ હિંડોચા અંધજન વિવિધ લક્ષી તાલીમ ભવનમાં કોન્ટ્રાક્ટ પર જોબ કરી રહ્યા છે.. તો તેમની પત્ની પૂજા બહેન ગૃહિણી તરીકે ઘરની તમામ જવાબદારીઓ સંભાળી રહ્યા છે…
હરેશ ભાઈ કઇ કવિતા બોલ્યા પૂજા બહેન માટે?
અંધારી રાતમાં એ પૂનમ નો ચાંદ બની આવી…
તો જિંદગી તારાઓની જેમ ઝગમગી ઉઠી..
નિષવાર્થ ભાવે ઇ ચાંદની વરસાવતી રહી…
અને રાતને રોશન કરવા એ ચાંદની બની આવતી રહી
તો અંધ શિક્ષક હરેશભાઈ હિંડોચાના પત્ની પૂજા બહેને પણ તેમના પતિ માટે એક શાયરી લખી છે..
એ મારા પગના આહટથી મને ઓળખી જાય છે
ખબર નહિ કેમ એ મારા દિલના અરમાનો ને દેખી જાય છે.
એ મારા સ્મિત સામે ખૂબ સુરત સ્મિત ફેંકી જાય છે
બીજી તો શું વ્યાખ્યા કરું મહોબતની એ મને રોજ સ્નેહ સાગરમાં ખેંચી જાય છે…
