વડોદરા ગ્રામ્યના પીઆઇએ જ કરી પત્નિ સ્વીટી પટેલની હત્યા
સ્વીટી પટેલની ગળુ દબાવી હત્યા કર્યા બાદ તેને સળગાવી દીધાનું પીઆઇ અજય દેસાઇની કબુલાત
પત્ની સ્વીટી દેસાઇ ગુમ થવાના કેસમાં સનસનીખેજ ખુલાસો: 50 દિવસ બાદ પીઆઇની કબુલાત કે પોતેજ હત્યા કરી છે
આ બનાવની મળતી વિગત મુજબ, છેલ્લા એક મહિના કરતા વધુ સમયથી થી વડોદરા ગ્રામ્યના પીઆઇ અજય દેસાઈની પત્ની સ્વીટી પટેલ ગુમ થયેલ હોય જે સમગ્ર રાજયમાં ચર્ચાનો વિષય બન્યો હતો અને આ કેસ સીઆઇડી ક્રાઇમને સોંપવામાં આવ્યો હતો.
સીઆઇડી ક્રાઇમ આ કેસમાં પીઆઇની નાર્કો ટેસ્ટની માંગણી કરી હતી પરંતુ પ્રક્રિયા શરૂ થાય એ પહેલા જ પીઆઇઅજય દેસાઈએ પોતે શારીરિક અને માનસિક સ્વસ્થ ન હોવાનું જણાવી નાર્કો ટેસ્ટ કરવાની ના કહી દીધી હતી.ત્યારબાદ શંકા વધુ ઘેરી બની હતી.
બાદમાં ગઇકાલ 23 જુલાઈએ એફએસએલ ની ટીમેપોલીસ ઇન્સ્પેકટર અજય દેસાઈના ઘરમાં તપાસ કરતા શંકાસ્પદ લોહીના સેમ્પલ મળી આવ્યાં હતા અને એફએસએલ. ની ટીમે લોહીના આ સેમ્પલને ટેસ્ટીંગ અર્થે મોકલી આપ્યા હતા.
આખરે સીઆઇડી ક્રાઇમની તપાસમાં પોલીસ ઈન્સ્પેકટર ભાંગી પડ્યા હતા અને પોતે જ પોતાની પત્નિની હત્યા કરી છે તેવી કબુલાત આપી છે.