લગઝરી કારમાં બકરા ઉઠાતંરી કરતી “બકરાચોર” ગેંગનો પર્દાફાશ : પાંચ જબ્બે

કાલાવડ પંથકમાં બકરા ચોરીનો ભેદ ઉકેલતી પોલીસ: પાંચની ધરપકડ

• આરોપી:-નીલેશ મનુભાઈ પરમાર , નવઘણ શામજીભાઈ સિંધવ , ભુરા શામજીભાઈ સિંધવ , બાલા નાનજીભાઈ સિંધવ, આકાશ જયસિંગભાઈ
• કારમાં આવી શખસો વાડામાંથી બકરાઓ ચોરી કરીને નાશી છુટતા
• કાલાવડ પંથકમાંથી બકરાની ચોરી કરીને કતલખાને ધકેલતી રાજકોટની ટોળકી ઝબ્બે : મુખ્ય આરોપીનું નામ ખુલતાં પોલીસે તેની શોધખોળ આરંભી

દેશ દેવી ન્યુઝ જામનગર ૦૫ ઓગસ્ટ ૨૨ જામનગરના કાલાવડ પંથકમાંથી ઘેટા – બકરાની કારમાં ચોરી કરીને કતલખાને પહોંચાડતી રાજકોટની ટોળકીને પોલીસે ઝડપી લીધી છે . જેમાં મુખ્ય આરોપીનું નામ ખુલતાં પોલીસે તેને ફરાર જાહેર કરીને શોધખોળ આરંભી છે.મોટાવડાળામાંથી નાના – મોટા બકરા બકરી નાના -મોટા ૭ રૂા .૪૮ હજારની કિંમતનાની ચોરી થઈ હતી . જે અંગેની નોંધાયેલી ફરિયાદના આધારે કાલવડ ગ્રામ્ય પોલીસે બાતમીના આધારે આણંદપર ગામ પાસે રોડ ઉપર વોચ ગોઠવી હતી અને રાજકોટ તરફથી કારમાં આવતાં નીલેશ મનુભાઈ પરમાર , નવઘણ શામજીભાઈ સિંધવ , ભુરા શામજીભાઈ સિંધવ , બાલા નાનજીભાઈ સિંધવ અને આકાશ જયસિંગભાઈ ( રે.રાજકોટ આજીડેમ ચોકડી પાસે ) ને ઝડપી લીધા હતાતેના કબ્જામાંથી કાર કબ્જે કરી હતી અને તેની પુછપરછ કરતાં મુખ્ય આરોપી તરીકે પ્રતાપ કેદાભાઈ ચૌહાણનું નામ ખુલતાં પોલીસે ફરાર જાહેર કર્યો છે . આ શખસો બકરાઓની ચોરી કરીને કતલખાને વેંચી દેતા હોવાની પોલીસની પ્રાથમિક પુછપરછમાં બહાર આવ્યું છે