મોટી ખાવડીમાં ખાનગી ટાઉનશીપમાં અધિકારીના ફલેટમાંથી રૂા. 3 લાખથી વધુની મત્તાની ચોરી
દેશ દેવી ન્યુઝ જામનગર: તા. ૧ જૂન ૨૩ જામનગર નજીક મોટી ખાવડી સ્થિત ખાનગી કંપનીની ટાઉનશિપમાં રહેતા અને મૂળ ભાવનગર જિલ્લાના તળાજા ના વતની રાહુલભાઈ જગદીશભાઈ ફટાણીયા કે જેઓ ગત 28મી તારીખે પોતાના મકાનને તાળા મારીને બહારગામ ગયા હતા, જે દરમિયાન 29મી તારીખના રાત્રી ના સમયગાળા દરમિયાન કોઇ તસ્કરોએ ટાઉનશિપમાં પ્રવેશ કરી તેમના રહેણામ મકાનનું તાળું તોડી નાખ્યું હતું, અને અંદરથી 40,000 ની રોકડ રકમ અને સોના ચાંદીના દાગીના વગેરે મળી કુલ 3 લાખ 41 હજારની માલમતા ની ચોરી કરી લઈ ગયા હતા.
તસ્કરોએ આસપાસના અન્ય બે મકાનોના પણ તાળા તોડીને ચોરી કરવાનો પ્રયાસ કર્યો હતો, પરંતુ તેમાં સફળ થયા ન હતા, મકાન માલિક ગઈકાલે પરત ફર્યા ત્યારે તેમના મકાનમાં ચોરી થઈ હોવાનું ધ્યાનમાં આવતાં રાહુલભાઈ ફટાણીયા એ મેઘપર- પડાણા પોલીસ મથકનો સંપર્ક સાધ્યો હતો, અને તપાસનો ધમધમાટ શરૂ કર્યો છે. પોલીસ દ્વારા આસપાસના વિસ્તારમાં લગાવવામાં આવેલા સીસીટીવી કેમેરાના આધારે તસ્કરોને પકડવા માટે કવાયત શરૂ કરી છે. વધુ તપાસ મેઘપર પડાણાના PSI યશપાલસિંહ રાણા ચલાવી રહ્યા છે.
