જામનગર શહેરમાં પ્રેમલગ્ન કરનાર યુવાન પર પૂર્વ પતિનો સરા જાહેર હુમલો

જામનગરમાં જી.જી હોસ્પિટલ રોડ પર પ્રેમ લગ્ન કરનાર એક યુવાન પર બે શખ્સોએ હુમલો કર્યાની પોલીસ ફરિયાદ

• ફરિયાદીએ એક છૂટાછેડા મેળવેલ યુવતી સાથે પ્રેમ લગ્ન કરી લેતાં પૂર્વ પતિ અને તેના સાગરીતે માર માર્યો

દેશ દેવી ન્યૂઝ જામનગર તા ૨૫, ફેબ્રુઆરી ૨૫ જામનગર નજીક હાપા રેલવે સ્ટેશન વિસ્તારમાં રહેતા સુનિલ મુકુંદભાઈ ભટ્ટી નામના ૩૧ વર્ષના યુવાને પ્રેમ લગ્ન કર્યા પછી માર ખાવાનો વારો આવ્યો છે, અને પોતાની પ્રેમિકા પત્નીના અગાઉના પતિ ખુશાલ ધનસુખભાઈ ગોહેલ અને તેના સાગરીત કેશુ ખીમજી વાઘેલા સામે ફરિયાદ નોંધાવી છે.પોલીસ ફરિયાદમાં જાહેર કરાયા અનુસાર ફરીયાદી સુનિલ ભટ્ટીએ તાજેતરમાં એક યુવતી સાથે પ્રેમ લગ્ન કરી લીધા હતા. જે યુવતીના અગાઉ આરોપી ખુશાલ ધનસુખભાઈ ગોહિલ સાથે લગ્ન થયા હતા, પરંતુ તેને છૂટાછેડા આપી દીધા હતા.ત્યારબાદ બીજા લગ્ન કર્યા હોવાથી પૂર્વપતિ ખુશાલ ગોહિલ ને પસંદ ન હોવાના કારણે ગઈકાલે સુનિલ જ્યારે જી.જી. હોસ્પિટલ રોડ પર આવ્યો હતો જયાં બે શખ્સો દ્વારા તેના પર હુમલો કરી દેવાયો હતો, અને જાનથીમારી નાખવાની ધમકી અપાતાં મામલો સીટી બી. ડિવિઝન પોલીસ મથકમાં લઈ જવાયો છે. જ્યાં બંને સામે ફરિયાદ નોંધાવી છે.