પ્રર્દશન ગ્રાઉન્ડમાં જન્મદિવસની ઉજવણી કરતા ભાનુશાળી યુવકને “ડુપ્લીકેટ પોલીસે” લૂંટી લીધો.

પ્રર્દશન ગ્રાઉન્ડમાં જન્મદિવસની ઉજવણી કરતા ભાનુશાળી યુવકને ડુપ્લીકેટ પોલીસે લૂંટી લીધો.

આચારસહિતા નો ભંગ કર્યો છે તેમ કહી ૨૫૦૦૦ની માંગણી કરી ૮૦૦૦ પડાવી લીધા:

પોલીસ યુનીફોર્મનો ફોટો બતાવી આચર્યું કારસ્તાન : અજાણ્યા શખ્સ સામે ફરિયાદ

દેશ દેવી ન્યુઝ જામનગર ૨૦. શહેરમાં હજુ ત્રણ ચાર દિવસ પહેલા તળાવની પાળે પ્રેમી યુગલને પોલીસ તરીકેની ઓળખ આપી ફરવા આવતા યુવક – યુવતિઓ , યુગલ સહિત નિર્દોષ લોકો પર રોફ જમાવી એક શખસ પોલીસના શ્વાંગમાં તોડ કરવાની પેરવી કરી ૨હયો હોવાની જાણ થતા અસલી પોલીસે યુવકની સરાભરા કરી કાયદાનું ભાન કરાવ્યું હતું તે બનાવ હજુ તાજો છે તેવામાં ભાનુશાળી યુવકને લૂંટી લેવાતા ખળભળાટ મચી જવા પામેલ છે.જામનગર શહેરના દિગ્વિજય પ્લોટ આશાપુરાના મંદિર પાસે આવેલ હનુમાન ટેકરી ખાતે રહેતા સંજય અશોકભાઈ મંગે નામનો ભાનુશાળી યુવક પ્રદર્શન ગ્રાઉન્ડ ખાતે ગત તારીખ ૬-૩-૨૨ના રોજ રાત્રે ૧૧:૩૦ વાગ્યે પોતાના મિત્રો સાથે જન્મદિવસની ઉજવણી કરતા હોય ત્યારે  કોઈ અજાણ્યો શખ્સ ત્યા આવીને  પોતે પોલીસ હોવાની ખોટી ઓળખ આપી તમે આચાર સહિતાનો ભંગ કર્યો છે. તમારા બધા ઉપર કેશ કરવાનો છે તેમ કહી મનફાવે તેવી ગાળાગાળી કરી ભયનો માહોલ ઉભો કર્યાં હતો.

ભોગ બનનાર સંજય ભાનુશાળી અને તેના મિત્રોને પોતે પોલીસના યુનીફોર્મ વાળો ફોટો બતાવી સંજ્ય તથા તેના મિત્રોને ડરાવી ધમકાવીને જણાવેલ કે તમોએ આચાર સંહીતા નો ભંગ કરેલ છે જેથી તમારા ઉપર કેશ કરવામાં આવસે તેમ કહી સંજય મંગેના મિત્રોને પટ્ટા વડે આડેધડ માર મારી કેશ “ન”  કરવાના બદલામા રૂપીયા ૨૫,૦૦૦ / ની માંગળી કરેલ અને રકઝક બાદ ૮,૦૦૦ / – નક્કી કર્યું હતુંજેથી સંજ્ય મંગેનો મિત્ર અર્જુનસિંહ રૂપીયા લેવા જતો હોય ત્યારે આ અજાણ્યા શખ્સે તેને કહેલ કે જલ્દી આવજે નહીતર આ તારા મિત્રને જાનથી મારી નાંખીસ તેમ કહી બડજબરીથી રૂપીયા કઢાવી લઇ અને મેં તમારી પાસેથી રૂપિયા લીધેલ છે તે વાત કોઇને કહેશો તો તમારા બધાના હાથ પગ ભાંગી નાખીશ તેમજ તમને ખોટા કેશમાં ફીટ કરી દશ વર્ષ સુધી જેલમાં મોકલી દઇશ તેમ કહી જાનથી મારી નાખવાની ધમકી આપી હતી ભોગ બનનાર યુવકે સઘળી વાત તેના પિતાને કરતા પોલીસનો સંપર્ક સાધ્યો હતો.

આથી સીટી-એ ડિવિઝનના પો.ઇન્સ મહાવીરસિંહ જલુની રાહબરી હેઠળ પો.સબ ઇન્સ. એમ જી. વસાવાએ સંજ્ય અશોકભાઈ મંગે નામના ભાનુશાળી યુવાનની ફરિયાદ પરથી આરોપી વિરૂદ્ધ  IPC કલમ ૩૮૬ ૩૮૭ , ૩૨૩,૧૭૦ , ૧૭૧ , ૫૦૪,૫૦૬ (૨) મુજબ ગુનોં નોંધી આરોપીની શોધખોળ આદરી છે.