જામનગર જિલ્લા જેલમાં ગાર્ડ પર નશાખોર શખસનો હુમલો
ગાર્ડપર હુમલો થતાં જિલ્લા જેલમાં ભારે દોડધામ મચી ગઈ : જેલ ગાર્ડ સારવાર હેઠળ
મુલાકાત વેળાએ બોલાચાલી થતાં ગાર્ડને પથ્થર ઝીંકી દેતા માથાના ભાગે ગંભીર ઇજા
જેલમાંથી થોડા સમય પહેલા જ છૂટેલા હર્ષ પરેશભાઈ મહેતા નામનો શખસનું કારસ્તાન
હુમલો કરનાર શખ્સ જી જી હોસ્પિટલમાં સારવાર કરવા આવતા પોલીસે ઝડપી લીધો
દેશ દેવી ન્યુઝ નેટવર્ક જામનગર જિલ્લા જેલમાં તાજેતરમાં જ છૂટેલા મારામારીના આરોપી બીજા આરોપીને જેલમાં મળવા જતાં ગાર્ડ સાથે બોલાચાલી થતા નશામાં રહેલા શખસે ગાર્ડ પર પથ્થર વડે હુમલો કરી ઈજા પહોંચાડીને નાસી છૂટતા દોડધામ મચી ગઈ હતી.
પોલીસે ગણતરીની કલાકોમાં આરોપીને પકડી પાડ્યો હતો.
પોલીસ સૂત્રો પાસેથી પ્રાપ્ત થતી માહિતી મુજબ જામનગર જિલ્લા જેલમાંથી થોડા સમય પહેલા જ છૂટેલા હર્ષ પરેશભાઈ મહેતા નામનો શખસ ગુરૂવારે બપોરના સમયે નશાની હાલતમાં જેલમાં પોતાના કોઈ મિત્રને મળવા ગયો હતો તે દરમિયાન ત્યાં ગાર્ડ તરીકે હાજર સરમણ રાજાભાઈ ગળચર સાથે તેને બોલાચાલી થઈ ગઈ હતી.
ઉશ્કેરાયેલા હર્ષે જેલના ગાર્ડ સરમણભાઈને
આ બનાવ બાદ હર્ષ નાસી છૂટ્યો હતો જે બનાવની જાણ થતા જ પોલીસે તાત્કાલિક પગલા લઈ હર્ષને ઝડપી લઈ તેની સામે ગુનો નોંધી કાયદેસરની કાર્યવાહી હાથ ધરી સરાભરા કરી હતી
