કલ્યાણપુરના બે પોલીસ કર્મચારીની જિલ્લાફેર બદલી, અનેક તર્ક વિતર્કો
- બનેપોલિસકર્મીને જુગાર પ્રકરણ નડી ગયું હોવાની જોરશોર ચર્ચા.
- દેવસી ગોજીયાને બરોડા ગ્રામ્ય અને વીંજાભાઈ ઓડેદરાને અમદાવાદ ગ્રામ્યમાં જીલ્લા ફેર બદલી
દેશ દેવી ન્યુઝ જામનગર : તા.૦૭ મે. ૨૩ દેવભૂમિ દ્વારકા જિલ્લાના કલ્યાણપુર પોલીસ સ્ટેશનમાં હાલ ફરજ બજાવતા અને અગાઉ એલસીબીમાં ફરજ બજાવી ચૂકેલા દેવશીભાઈ ગોજીયાની બરોડા ગ્રામ્યમાં તેમજ વીંજાભાઈ ઓડેદરાની અમદાવાદ ગ્રામ્યમાં ડીજી દ્વારા બદલી કરાતા પોલીસ બેડામાં ખળભળાટ સાથે અનેક તર્કવિતર્કો થઈ રહ્યા છે. મહત્વનું છે કે, થોડા સમય પહેલાં કલ્યાણપુર તાલુકામાંથી એલસીબી દ્વારા મોટી જુગારની રેડ કરી હતી જે બાદ આ પ્રકરણ આજદિન સુધી ગાજતું રહ્યું છે. જેને લઇ સમગ્ર પ્રકરણ ઉચ્ચ કક્ષાએ પહોંચ્યા બાદ બંને કર્મીને જિલ્લાફેર બદલી કરી નાખતા પોલીસબેડામાં ભારે ચકચાર જાગી છે.
