જામનગર ખોજાનાકા પાસે જર્જરીત મકાન ધરાશાયી થતાં ભાઇ-બહેન દબાણા: બંને સલામત

ખોજાનાકા પાસે જર્જરીત મકાન ધરાશાયી થતાં ભાઇ-બહેન દબાણા

• ફાયર બ્રિગેડે રેસ્ક્યું કરી બન્ને સહી સલામત રીતે બહાર કાઢતા હાશકારો
• મકાન ધરાસાયી થયાની જાણના પગલે પોલિસ કાફલો દોડી ગયો

દેશ દેવી ન્યૂઝ જામનગર તા.૧૯ જૂન ૨૩ જામનગરના ખોજા નાકા પાસે આવેલા હજામ ફળીમાં એક જર્જરીત મકાનમાં વૃદ્ધ ભાઇ- બહેન મોસીન ફીદાઆલી કપાસી અને જેતુનબેન ફીદાઆલી કપાસી રહેતા હતાં તે મકાન પવન અને વાવાઝોડાના કારણે અત્યંત જર્જરીત થતાં રવિવારના મોડીરાત્રે તે ધરાશાયી થતાં આખા વિસ્તારમાં અફડાતફડી મચી ગઇ હતી હાજર લોકોએ ફાયર બ્રિગેડ અને મહાનગર પાલિકાને જાણ કરતા કાર્યપાલક ઇજનેર મૂકેશ વરણવાના માર્ગદર્શન હેઠળ એસ્ટેટ ઓફિસર નિતિન દિક્ષીત, દબાણ નિરક્ષિક યુવરાજર્સિહ ઝાલા સહિતની ટીમના કર્મચારીઓ ઘટના સ્થળે દોડી આવ્યા હતાં અને તાત્કાલિક રેસ્કયુ ઓપરેશન શરૂ કરી બન્ને વૃદ્ધ ભાઇ-બહેનોને સહી સલામત બહાર કાઢયા હતાં. બન્ને કંઇ ન થતાં તંત્રએ રાહતનો શ્વાસ લીધો હતો.