કાલાવડ પંથકમાં રસોઈ બાબતે માતાના ઠપકાથી પુત્રીનો આપધાત

કાલાવડના મુળીલા ગામે રસોઈ બાબતે માતાએ ઠપકો આપતાં પુત્રીનો આપઘાત

દંશ દેવી ન્યુઝ જામનગર તા ૨૭ ઓક્ટોબર ૨૩ જામનગર જિલ્લાના કાલાવડ તાલુકાના મુળીલા ગામે રહેતી એક સગીરાને રસોઈ બાબતે તેણીની માતાએ ઠપકો આપ્યો હતો. જે સહન નહીં થતાં તેણીએ આપઘાત કરી લીધાનો બનાવ પોલીસ ચોપડે નોંધાયો છે.આ બનાવની પ્રાપ્ત વિગત એવી છે કે, કાલાવડ તાલુકાના મુળીલા ગામે રહેતી સુમીતા શંકરભાઈ ભુરીયા નામની ૧પ વર્ષીય આદિવાસી સગીરા પોતાની વાડીએ રસોઈ બનાવતી હતી ત્યારે તેણીની માતા બુધીબેનએ રસોઈ કરવા બાબતે ઠપકો આપ્યો હતો. જેથી તે બાબતનું મનમાં લાગી આવતાં સુમીતાએ ઝેરી દવા ગટગટાવી લીધી હતી. જેથી તેણીને સારવાર માટે જામનગરની જી. જી. હોસ્પિટલ ખસેડાઈ હતી. જયાં સારવાર દરમ્યાન તેણીનું મૃત્યુ નિપજયું હતું.આ બનાવ અંગે મૃતકના પિતા શંકરભાઈ ભુરીયાએ પોલીસને જાણ કરતાં પોલીસે ઘટના સ્થળે દોડી જઈ મૃતદેહનો કબ્જો સંભાળી બનાવ અંગે વધુ તપાસ હાથ ધરી છે.