જામનગરમાં શ્રમ આયુકત્ત કચેરીના પટ્ટાવાળાએ રૂા.5.40 લાખની ઉચાપત કર્યાની ફરિયાદ
- બે ચેક ચોરી કરી તેમાં બનાવટી સહીઓ કરી ઉચાપત કરી
દેશ દેવી ન્યુઝ જામનગર તા.૧ જૂન ૨૩: જામનગર શહેરમાં ડાયમન્ડ માર્કેટમાં આવેલી શ્રમ આયુકત્તની કચેરીમાં આઉટ સોર્સીંગથી ભરતી થયેલા પટ્ટાવાળા કિરણ સુરેશભાઇ મકવાણાએ ગત તા.02/03 પહેલા કોઇપણ સમયે સ્ટેટ બેંક ઓફ ઇન્ડિયાના ચેક નં. 394619 અને 394620 ના બે ચેકની ચોરી કરી હતી અને તેમા સક્ષમ ખોટી સહી કરી રૂા.5.40 લાખની ઉચાપત કરી છે.
આ અંગે ઇન્ચાર્જ મદદનીશ શ્રમ આયુકત્ત અધિકારી આનંદકુમાર કાનજીભાઇ શિહોરાની ફરિયાદના આધારે સીટી-બી ડીવીઝન પોલીસે પટ્ટાવાળા કિરણભાઇ સુરેશભાઇ મકવાણા વિરૂઘ્ધ ગુનો નોંધી તપાસ હાથ ધરી છે.
