પટેલકા ગામે બે પરિવાર વચ્ચે જમીન બાબતે ધીંગાણું: 9 સામે ફરીયાદ

કલ્યાણપુર પંથકના પટેલકા ગામે બે પરિવાર વચ્ચે જમીન બાબતે ધીંગાણું: પોલીસે બન્ને પક્ષના 9 લોકો ફરિયાદ દાખલ કરી

દેશ દેવી ન્યુઝ જામનગર 17.ભાટિયા: કલ્યાણપુરના પટેલકા ગામની ફગાસ સીમમાં રહેતા હરદાસભાઈ કરણાભાઈ કંડોરીયાના ભાઈ સવદાસભાઈએ ભાયુભાગની જમીન મસરી કેશુરભાઈ ગોજીયાને પોતાની જમીન વહેંચેલ હતી.જે બાબતે મનદુ:ખ ચાલતું હતું. અને મસરી કેશુરભાઈ ગોજીયા, નગા લખુભાઈ, નેભા સામતભાઈ ગોજીયા, મહેશ નેભાભાઈ ગોજીયા, નારણ નેભાભાઈ ગોજીયાનાઓ જમીન ખેડવા જતા હરદાસભાઈએ જમીન બાબતે કોર્ટ કેશ ચાલુ હોય આથી જમીન ખેડવાની ના કહેતા ઝઘડો કરી ઘાતક હથિયાર વડે હરદાસભાઈ તથા સાહેદ રણમલભાઈને શરીરે મુંઢ માર મારી જાનથી મારી નાખવાની ધમકી આપતા આ સમગ્ર મામલે ફરિયાદી હરદાસભાઈએ તમામ શખસો સામે કલ્યાણપુર પોલીસમાં ફરિયાદ નોંધાવતા પોલીસે આરોપીઓ સામે ગુનો નોંધ્યો છે.સામા પક્ષે મસરીભાઈ કેશુરભાઈ ગોજીયાએ મસરીભાઈએ હરદાસ કરણાભાઈ કંડોરીયાના કુટુંબીભાઈ સવદાસભાઈ પાસેથી જમીન વહેંચાતી લીધેલ હતી અને આ જમીન બાબતે મસરીભાઈને મનદુ:ખ ચાલતું હતું.મસરીભાઈ પોતે ખરીદી કરેલ જમીનમાં ખેતી કરવા જતાં હરદાસ કરણાભાઈ કંડોરીયા, રણમલ અરશીભાઈ, મારખી અરશીભાઈ, રાજુ મારખીભાઈ સહિતનાઓ મસરીભાઈને ગાળો આપી ઝઘડો કર્યો હતો. ફરિયાદી મસરીભાઈની માલિકીના ખેતરમાં પ્રવેશ કરી જાનથી મારી નાખવાની ધાક ધમકીઓ આપી હતી. આથી ચારેય વિરુદ્ધ ગુન્હો નોંધી પોલીસે તપાસ હાથ ધરી છે.