જામનગરમાં ખ્રિસ્તી સંપ્રદાય દ્વારા ઉત્સાહભેર નાતાલ પર્વની ઉજવણી
- ચર્ચને ઝળહળતી રોશની થી સજજ બનાવાયા
- ખ્રિસ્તી સંપ્રદાય દ્વારા સમૂહ પ્રાર્થના સહિતના કાર્યક્રમ યોજાયા
દેશ દેવી ન્યુઝ જામનગર તા ૨૫ ડીસેમ્બર ૨૩, વિશ્વને પ્રેમ, કરૂણા, શાંતિ અને ભાઈચારાનો સંદેશ આપનારા જીસસ ક્રાઈસ્ટનાં જન્મોત્સવની જામનગર શહેરમાં ઉત્સાહભેર ઉજવણી કરવામાં આવી. 
પ્રભુ ઈસુના જન્મનાં વધામણા કરવા જામનગર શહેરમાં આવેલા ચર્ચોને રંગબેરંગી રોશની થી ઝળહળતા કરવામાં આવ્યા હતા. ૨૫મી ડીસેમ્બર એટલેકે આજે નાતાલ પર્વે જામનગર શહેરનાં અંબર ચોકડી નજીક આવેલા “સેક્રેટ હાર્ટ ચર્ચ” ખાતે જીસસનાં જન્મનાં ગીત, શાંતિ પ્રાર્થના ખ્રિસ્તી પરિવાર દ્વારા કરવામાં આવ્યા હતા. તેમજ એક બીજાને “મેરી ક્રિસમસ” ની શુભેચ્છા આપવામાં આવી હતી.
