જામનગર નાં કનસુમરા પાસે ચાર કારખાના માં ચડ્ડી – બનિયાનધારી ટોળકી ત્રાટકી
- જુદા જુદા ચાર કારખાનાઓમાં કર્યો હાથ ફેરો: પોલીસ તંત્ર દોડતું થયું: સીસીટીવી કેમેરામાં કેદ થતા તસ્કરો
દેશ દેવી ન્યુઝ જામનગર તા. ૧૨ ઓકટોબર ૨૩, જામનગર નજીક નાં કનસુમરા પાસે આવેલા ખાનગી ઈન્ડસ્ટ્રીયલ એરિયામાં ચાર કારખાનામાં ગઈરાત્રે ચડ્ડી-બનિયાનધારી ટોળકી ત્રાટકી હતી. ચારેય કારખાનામાંથી કેટલોક સામાન, રકમ ચોરાઈ ગયો છે. તસ્કરો સીસીટીવી કેમેરામાં જોવા મળતાં પોલીસે તપાશ શરૂ કરી છે.
આ કારખાનાઓમાં મુકવામાં આવેલા સીસીટીવી કેમેરાની ચકાસણી કરવામાં આવતા કેટલાક કેમેરાઓમાં ચડ્ડી-બનિયાન પહેરેલા ચાર શખ્સ કારખાનાનું શટર ઉંચકાવી અંદર ઘૂસી જતાં હોવાનું દેખાઈ આવ્યું છે. મોઢા ઉપર બુકાની બાંધેલા આ શખ્સોની સંખ્યા ચાર હોવા ઉપરાંત તેઓ કઈ તરફથી આવ્યા તે પણ સ્પષ્ટ દેખાઈ રહ્યું છે.આથી પોલીસે તપાસ શરૂ કરી છે.
