મેઘપરમાં એટીએમમાં તોડફોડ કરી ચોરીનો પ્રયાસથી ચકચાર
દેશ દેવી ન્યુઝ જામનગર તા.૨૧ જુલાઈ ૨૩ જામનગર લાલપુર તાલુકાના મેઘપર ગામમાં આવેલા બેંકના એક એટીએમ માં કોઈ તસ્કરોએ પ્રવેશ કરી ચોરી કરવાનો નિષ્ફળ પ્રયાસ કર્યો હતો, અને એટીએમ મશીન અને સીસી ટીવી કેમેરા વગેરેને નુકસાની પહોંચાડયા ની ફરિયાદ પોલીસમાં નોંધાવાઇ છે.
આ બનાવની વિગત એવી છે કે જામનગર તાલુકાના મેઘપરમાં રહેતા જયદેવસિંહ અમરસંગ જાડેજા કે જેઓની દુકાનમાં મેઘપર ગામ ના પાટિયા પાસે એટીએમ મશીન લગાવવામાં આવેલું છેઝ જેમાં 17મી તારીખે રાત્રિના દસેક વાગ્યાના અરસામાં એટીએમ મશીનમાંથી રોકડ રકમની ચોરી કરવા માટેનો પ્રયાસ કર્યો હતો. તસ્કરો ચોરી કરવામાં સફળ થયા ન હતા, પરંતુ એટીએમ નું કેસ કાઉન્ટર તેમજ અન્ય મશીનરી, ઉપરાંત સીસિટીવી કેમેરા સહિત અંદાજે પોણા બે લાખનું નુકસાન પહોંચાડ્યું હયું, અને તસ્કરો ભાગી છૂટ્યા હતા. જે બનાવ અંગેની ફરિયાદ નોંધાવ્યા પછી પોલીસે તોડફોડ કરનારા શખ્સોની ઓળખ કરવા માટેની કવાયત હાથ ધરી છે.
