જામનગરના ધારાસભ્ય ને ૫૧ હજારનો ‘ચાંદલો’ કરવા નો પ્રયાસ : ત્રણ ઝડપાયા
દેશ દેવી ન્યુઝ જામનગર તા. ૧૧ ઓક્ટોબર ૨૩, જામનગરના એક ધારાસભ્યને પ્રમોશન મળે તે માટે આશીર્વાદ આપવા અમારા ગુરૃજી તત્પર છે તેમ જણાવી એક શખ્સે ફોન કર્યા પછી રૃા.૫૧ હજારના કવરની માગણી કરી હતી. આ શખ્સની વાતચીત ને પારખી ગયેલા ધારાસભ્યએ પોલીસને જાણ કરી છે. જૂનાગઢ થી બોલી રહેલા આ શખ્સના સગડ પોલીસે દબાવ્યા હતા અને ત્રણ ને ઝડપી પડ્યા છે.
ત્યારપછી પોતે જૂનાગઢ થી બોલતો હોવાનું અને હમણા ગુરૃજી સાથે વાત કરાવું તેમ કહી આ શખ્સે આશીર્વાદ માટે વિધિ કરવી પડશે તેમ કહી હળદર સહિતની ચીજવસ્તુઓ મૂકી ત્રણ કવર તૈયાર કરવા ધારાસભ્યને જણાવ્યું હતું. તે શખ્સે એક કવરમાં રૃા.૫૧ હજાર મૂકવાનું કહેતા ધારાસભ્યએ રૃા.૧૦૧ મૂકીશ તેમ કહેતા આટલા મોટા સમુદાયના ધર્મગુરૃ તમને પ્રમોશન માટે આશીર્વાદ આપી રહ્યા છે .ત્યારે ઓછામાં ઓછા રૃા.૫૧ હજાર મૂકવા પડશે તેમ કહેવાતા આ ધારાસભ્યએ કોઈ ઠગ પોતાની સાથે વાત કરતો હોવાનું અનુમાન કરી આ રકમ પોતે આપી શકે તેમ નથી તેમ કહેતા સામા છેડે રહેલા શખ્સે રૃા.૨૧ હજાર કવરમાં મૂકવા કહ્યું હતું પરંતુ તે રકમ પણ આપવાની ધારાસભ્યએ ના પાડી હતી.
