જામનગરમાં 13 વર્ષની સગીરાનું અપહરણથી ભારે ચકચાર

જામનગર નજીક લાલપુર બાયપાસ વિસ્તારમાં આવેલી એક સોસાયટી માંથી ૧૩ વર્ષીય સગીરાનું અપહરણ

• ઇન્સ્ટાગ્રામ માં મિત્રતા કેળવી લગ્નની લાલચ આપી લાલપુરનો શખ્સ ઉઠાવી ગયાની ફરિયાદ
• પોલીસે આરોપીને ઝડપી લઇ સગીરા ને મુક્ત કરાવી: આરોપી સામે પોકસો એક્ટ મુજબ ગુનો નોંધ્યો

દેશ દેવી ન્યુઝ જામનગર ૨૨ ઓક્ટોબર ૨૩ જામનગર નજીક લાલપુર બાયપાસ ચોકડી પાસે આવેલી એક સોસાયટીમાં રહેતી ૧૩ વર્ષની દલિત જ્ઞાતિની સગીરાનું અપહરણ થઈ ગયું હતું. ઈન્સ્ટાગ્રામ માં ફ્રેંડ બનાવી લાલપુર નો એક શખ્સ સગીરાને ઉઠાવી ગયો હતો. જેને પોલીસે ઝડપી લીધો છે, અને સગીરાને મુક્ત કરાવી છે. આરોપી સામે પોકસો એકટ અને એસ્ટ્રોસીટીની કલમ હેઠળ ગુનો નોંધ્યો છે.જામનગર નજીક લાલપુર બાયપાસ ચોકડી પાસેની એક સોસાયટીમાંથી ગત ૧૮મી તારીખે સગીરાનું અપહરણ થઈ ગયું હતું. ૧૩ વર્ષ ની સગીરાના પરિવારજનો શોધખોળ ચલાવતા હતા, દરમિયાન લાલપુરનો એક શખ્સ સગીરાને ઉઠાવી ગયો હોવાનું ધ્યાનમાં આવ્યું હતું. ઇન્સ્ટાગ્રામ માં ફ્રેન્ડ બન્યા પછી લગ્નની લાલચ આપી ૨૩ વર્ષીય શખ્સ સગીરાને ઉઠાવી ગયો હતો. જેને પોલીસે શોધી કાઢ્યો છે, અને સગીરાને મુક્ત કરાવી છે.સગીરા દલિત જ્ઞાતિની હોવાનું જાણવા છતાં આરોપી તેને ઉઠાવી ગયો હોવાથી તેની સામે એસ્ટ્રોસિટીએકટ તેમજ પોક્સો એક્ટની કલમ હેઠળ ગુનો નોંધ્યો છે. જે આરોપીને અદાલત સમક્ષ રજૂ કરવા કાર્યવાહી હાથ ધરી છે.