જામનગરમાં ફ્રુટની દુકાનમાં લુંટ…
કાલાવડ નાકા બહાર મહિલાને લાફા મારી ગલ્લામાં રૂા.2000ની રોકડ રકમની લુંટ ચલાવતા ફરિયાદ
દેશ દેવી ન્યુઝ નેટવર્ક જામનગર: ૦૧.જામનગર શહેરમાં કાલાવડ નાકા બહાર રંગુનવાલા હોસ્પિટલ પાસે મોટાપીર ચોક વિસ્તારમાં અબ્દુલ રસીદ નામના યુવાનની ફ્રુટની દુકાને યુવાન નમાઝ પઠવા ગયો હતો તે દરમ્યાન નવાજખાન અયુબખાન પઠાણ નામના શખ્સે આવીને દુકાનના થડામાં હાથનાખી રોકડ રકમ કાઢતો હતો તે દરમ્યાન દુકાનનું ધ્યાન રાખી રહેલાં બિલ્કિસબેન દ્વારા શખ્સને અટકાવતાં નવાજખાને મહિલાને ફડાકા મારી થડામાંથી રૂા.2000ની રોકડની લુંટ ચલાવી નાશી ગયો હતો.
ત્યારબાદ આ અંગેની દુકાનદાર અબ્દુલ રસીદ દ્વારા જાણ કરતાં સીટી-એ ડિવિઝનના પોલીસ ઇન્સ્પેક્ટર મહાવીરસિંહ જે. જલુંના માર્ગદર્શન હેઠળ દરબારગઢ ચોકીના પોલિસ સબ ઇન્સ. એન.વી.હરિયાણી તથા સ્ટાફે નવાજખાન વિરૂઘ્ધ લુંટનો ગુનો નોંધી ધરપકડ માટે શોધખોળ આરંભી હતી.
