દ્વારકા જિલ્લામાં કોરોના કાળમાં જુગાર ની મોજ માણતી પાના પ્રેમી ૭ મહીલા સહિત ૧ર ઝડપાયા
દેવભૂમી દ્વારકા જિલ્લામાં કોરોના કાળમાં પણ જુગારની મોજ માણતી સાત મહિલાઓ સહિત બાર ઝડપાતા અફડાતફડીનો માહોલ.
દેશ દેવી ન્યુઝ નેટવર્ક ખંભાળિયા : દ્વારકા તાલુકાના મેવાસા ગામે ગત સાંજે સ્થાનિક પોલીસે વાડી વિસ્તારમાં જુગાર દરોડો પાડી, બાવળ નીચે જાહેરમાં ગંજીપાના વડે રોન પોલીસ નામનો જુગાર રમી રહેલા સુમરાભા પબુભા કેર, મીયાભા હધુભા માણેક, કારુભા પુંજાભા સુમાણી, મેરૂભા વાલાભા માણેક અને ભાયાભા રાયદેભા કેર નામના પાંચ શખ્સોને ઝડપી લીધા હતા. પકડાયેલા આ શખ્સો પાસેથી પોલીસે કુલ રૂપિયા 10,270/- નો મુદ્દામાલ કબજે કરી જુગારધારાની કલમ મુજબ ગુનો નોંધ્યો હતો.
અન્ય એક જુગાર દરોડામાં ભાણવડ પોલીસે ટાઉન વિસ્તારમાંથી રમીલાબેન રસિકભાઈ વારંગિયા, જાનુબેન ભીખુભાઈ ઉર્ફે ઈશાકભાઈ હિંગોરા, ભાનુબેન માલદેભાઈ સિંગરખીયા, શેરબાનુ મહેબુબભાઇ રફાઈ, વાલીબેન મનુભાઈ સોરઠીયા, રોશનબેન ઓસમાણભાઈ હિંગોરા, અને અમીનાબેન મામદભાઈ સમા નામના સાત મહિલાઓને ઝડપી લઇ રૂપિયા 2,400/- નો મુદ્દામાલ કબજે કર્યો હતો.
