ક્રાઈમ બ્રાન્ચના બે જવાનો સામે ફરિયાદ દાખલ કરવા કોર્ટનો આદેશ.
અમને દારૂની બાતમી મળી છે એમ કહી બે વર્ષ પહેલા ખોટા કેસમાં ફીટ કરી દેવાની ધમકી પડી મોંઘી.
ગેરકાયદેસર ઘરમાં ઘુસી મહિલા સાથે ઝઘડો કરતા સીસીટીવીમાં થયા કેદ.
રાજકોટ શહેરની ક્રાઇમ બ્રાંચમાં ફરજ બજાવતા મહેશભાઈ મઢ અને નિશાંત ભાઈ તા.૧૬-૧૦-૨૦૧૯ના રોજ શહેરના સામા કાંઠે રહેતા ચંદુભાઈ લક્ષ્મણભાઈ ટોપિયા ના ઘરમાં ધુસી તેના પત્ની ગીતાબેન હાજર હોય તેને પુછતા તારા પતિ ચંદુ ટોપીયાને ખોટા કેસમાં ફીટ કરી દેવાની ધમકી આપી મોબાઇલ ફોન પડાવી લઇ ગાળો આપી મારકૂટ કરી તારા પતિને દારૂ માં ફિટ ન કરવો હોય તો રૂપિયા પચાસ હજાર આપવા પડશે જે બાબતે ઘરમાં મુકેલ સીસીટીવીમાં કેદ થઇ ગયા હોય.
આ તમામ હકીકત બાબતે ચંદુભાઈ ટોપિયા ના પત્ની ગીતાબેન ટોપિયા અગાઉ તમામ આધાર પુરાવા સાથે બી ડિવિઝન પોલીસ મથકમાં ફરિયાદ દાખલ કરવા ગયા હતા પરંતું ત્યારે જે તે સમયના અધિકારીએ ફરિયાદ ન લેતા આખરે ગીતાબેને પોતાના વકીલ મારફત તા.૧૮-૧૦ – ૨૦૧૯ના રોજ રાજકોટ કોર્ટમાં બંને પોલીસમેન સામે ગુનો દાખલ કરવા અરજ ગુજારેલ હતી.
આ કેસમાં પુરાવા પરથી એડવોકેટ ધારદાર દલીલ કરતા ૧૬માં એડી.જયું. મેજીસ્ટ્રેટે ફરિયાદ દાખલ કરવાનો હુકમ કરી ક્રાઈમ બ્રાન્ચના જમાદાર સહિત બંને પોલીસમેનને કોર્ટમાં હાજર થવા હુકમ ફરમાવ્યો હતો આ બનાવના પગલે શહેરમાં સારી એવી ચર્ચા જગાવી છે.
