વડાપ્રધાનની 15 મુદ્દા અમલીકરણ સમિતિમાં યુનુસ સમા, પિયુષ પારેખ અને મનજીતસિંઘ ઉપાલની વરણી
ભાજપના અગ્રણીઓએ આપ્યા અભિનંદન જામનગરના ત્રણ સમાજના અગ્રણીઓને મળ્યું સ્થાન
દેશ દેવી ન્યુઝ જામનગર: ૨૩ જૂન ૨૨ જામનગર લઘુમતીઓના કલ્યાણ માટે પ્રધાનમંત્રી દ્વારા રચવામાં આવેલ 15 મુદ્દા કાર્યક્રમના અમલીકરણ માટે જીલ્લાસ્તરીય સમિતિની રચના કરવામાં આવી છે. જેમાં જામનગરની આ મહત્વની સમિતિમાં ત્રણ બિન- સરકારી સભ્ય તરીકે નગરના ત્રણ સમાજના આગેવાનોને નિયુકિત આપવામાં આવી છે. આ સમિતિનો મહત્વ ઉદ્દેશ એ રહેશે કે ભારત સરકાર દ્વારા લઘુમતીઓના કલ્યાણ માટે જે જે 15 મુદ્દા કાર્યક્રમો રચવામાં આવ્યા છે તેનો અસરકારક રીતે અમલીકરણ થાય મહત્વનો મનાતી આ સમિતિમાં અઘ્યક્ષ પદે જિલ્લા કલેકટર રહેશે જ્યારે સહ અઘ્યક્ષ તરીકે જિલ્લા વિકાસ અધિકારી રહેશે.
27 સભ્યોની બનેલી આ સમિતિમાં જામનગર તથા દેવભૂમિ દ્વારકાના સાંસદ પૂનમબેન માડમ, ધારાસભ્યો રાઘવજી પટેલ (કૃષિમંત્રી), આર.સી. ફળદુ, ધર્મેન્દ્રસિંહ જાડેજા (હકુભા), પ્રવિણભાઇ મુછડીયા, ચિરાગભાઇ કાલરીયા, જિલ્લા પંચાયતના પ્રમુખ ધરમશીભાઇ ચનીયારા ઉપરાંત રાજ્યસભાના સાંસદ લાલસિંહ વડોદરિયા જેવા પ્રજાના ચુંટાયેલા પ્રતિનિધિઓનો સમાવેશ છે.
આ ઉપરાંત સભ્યોમાં જામનગરના જિલ્લા પોલીસ વડા પ્રેમસુખ ડેલુ તેમજ જિલ્લા શિક્ષણાધિકારી, જિલ્લા પંચાયતના રોજગાર અધિકારી, જિલ્લાના શિક્ષણ અધિકારી, લીડ બેંકના અધિકારી, જિલ્લા ઉદ્દયોગ કેન્દ્રના મેનેજર, જામનગરના ચીફ ઓફિસર, ગ્રામ વિકાસ એજન્સીના નિયામક, જિલ્લા સમાજ સુરક્ષા અધિકારી સરકારી કોલેજના પ્રતિનિધિ, આઇટીઆઇના પ્રિન્સીપાલ તેમજ વિકસતી જાતિના જિલ્લા નાયબ નિયામકનો સમાવેશ છે.
આ સમિતિમાં બિન સરકારી સભ્યો તરીકે જામનગરના પિયુષભાઇ રમેશચંદ્ર પારેખ, યુનુસ જુસબભાઇ સમા, મનજીતસિંઘ મોહનસિંઘ ઉપાલનો પણ સમાવેશ કરવામાં આવ્યો છે. મુખ્યત્વે ભારત સરકાર દ્વારા લઘુમતીઓના કલ્યાણના માટે પ્રધાનમંત્રી દ્વારા 15 મુદ્દાનો કાર્યક્રમ ઘડી કાઢવામાં આવ્યો છે.
આ યોજનાનું પાલન આઅસરકારક રીતે થાય તેવા હેતુ સાથે તમામ જિલ્લામાં જીલ્લાસ્તરીય સમિતિઓનું ગઠન કરવામાં આવ્યું છે અને તેમાં બિન સરકારી સભ્ય તરીકે જામનગરના 3 વ્યક્તિની નિમણુંક કરવામાં આવી છે એ બાબત વિશેષરૂપ છે.
ભારતીય જનતા પાર્ટી શહેર અઘ્યક્ષ ડો. વિમલભાઇ કગથરા, સાંસદ પૂનમબેન માડમ, પૂર્વ મંત્રી ધારાસભ્ય આર.સી. ફળદુ, પૂર્વ મંત્રી ધારાસભ્ય ધર્મેન્દ્રસિંહ જાડેજા (હકુભા), મેયર બીનાબેન કોઠારી, મહામંત્રી પ્રકાશભાઇ બામભણીયા, વિજયસિંહ જેઠવા, ડે. મેયર તપન પરમાર, કેતન ગોસરાણી, શિક્ષણ સમિતિ ચેરમેન મનીષ કનખરા, વાઈસ ચેરમેન પ્રજ્ઞનાબા સોઢા, કોર્પોરેટરો, પક્ષના હોદ્દેદારો, શિક્ષણ સમિતિના સભ્યો સહિત કાર્યકરોએ આ નિમણુંકને આવકારેલ છે. ભારતીય જનતા પાર્ટી મીડિયા વિભાગના ભાર્ગવ ઠાકરની અખબારી યાદીમાં જણાવવામાં આવેલ છે.
