જામનગરના હર્ષદમીલની ચાલી વિસ્તારમાં યુવાન પર ઘાતક હથિયારો વડે હુમલો: ચાર સામે ફરિયાદ
દેશ દેવી ન્યુઝ નેટવર્ક જામનગર: જામનગરમાં હર્ષદમીલની ચાલી વિસ્તારમાં રહેતા પિયુષ હરીશભાઇ વેગડા નામના 18 વર્ષના વણકર યુવાને પોતાના ઉપર લોખંડના પાઇપ તેમજ ધોકા વડે હુમલો કરી ફ્રેક્ચર સહિતની ઇજા પહોંચાડવા અંગે ઉપરાંત પોતે દલિત જાતિના હોવાથી સમાજમાં હલકા પાડવા માટે હડધૂત કરવા અંગે ઇમરાન હાજીભાઇ ખફી, એજાજ ખફી, તથા મુસ્તાક ખીરા નામના ત્રણ શખ્સો સામે ફરિયાદ નોંધાવી છે.
જે ફરિયાદના અનુસંધાને પોલીસે હુંમલા અંગેની તેમજ અસ્પૃશ્યતા ધારા અંગેની કલમ હેઠળ ગુનો નોંધી વધુ તપાસ હાથ ધરી છે.
ફરિયાદી યુવાનનો ભાઈ પ્રફુલ કેજે આરોપી ઈમરાન સાથે ફરતો હોવાથી તેની સાથે નહીં ફરવાનું ભાઈ ને કહેતાં આરોપીઓને ખબર પડી ગઈ હોવાથી ઉશ્કેરાયા હતા, અને ત્રણેય આરોપીઓએ હુમલો કર્યાનું પોલીસમાં જાહેર થયો છે.
સમગ્ર મામલે એસ.સી.એસ.ટી. સેલના ડી.વાય.એસ.પી. દ્વારા તપાસ ચલાવવામાં આવી રહી છે.
