જામનગર ના ગુલાબનગર ‘એ’ ઝોન માં આજે પાણી વિતરણ બંધ રખાશે
દેશ દેવી ન્યુઝ જામનગર તા. ર૧ ડીસેમ્બર ૨૩ , જામનગર નાં ગુલાબનગર ઈએસઆર માં મુખ્ય વાલ્વ બદલવા ની કામગીરી અન્વયે તા. રર ના ગુલાબનગર ‘ એ ‘ ઝોન ના અમુક વિસ્તાર માં પાણી વિતરણ બંધ રાખવામાં આવશે.ગુલાબનગર ઈએસઆર ના કેમ્પસ ની અંદર નો મુખ્ય વાલ્વ બગડી ગયો છે. તેના સ્થાને નવો વાલ્વ ફિટીંગ કરવાની કામગીરી કરવામાં આવનાર છે.
આથી તા. રર-૧ર-ર૩ અને શુક્રવારે ગુલાબનગર ‘એ’ ઝોન હેઠળના ભોયવાડો, અંબાજી ચોક, વાઘેર વાડો, કુંભાર વાડો, પટણીવાડ, હાજીપીરની શેરી, હનુમાન મંદિરવાળી શેરી, નદિપા, પઠાણ ફળી, મચ્છીપીઠ, ફકીર વાડો, આશાપુરા મંદિર, કોળીવાડ, ખાટકીવાડ, સાયોના ફળી, ચંપાકુંજ, સવાભાઈ ની શેરી, તથા ગુલાબનગર, મોહનનગર, સિન્ડીકેટ સોસાયટી, નારાયણનગર, દયાનંદ સોસાયટી, સિંધી કોલોની, શિવનગર, રામવાડી, વૃન્દાવનધામ, સોસાયટી, રાજમોતી ટાઉનશીપ, સત્યસાંઈ નગર, પ્રભાત નગર, યોગેશ્વરનગર, મધુરમ સોસાયટી, ક્રિષ્ના પાર્ક સોસાયટી, પ્રગતિ પાર્ક વગેરે વિસ્તારોમાં પાણી વિતરણ બંધ રહેશે.પછીના બીજા દિવસે પ્રથમ એ ઝોન અને ત્યાર પછીના દિવસે બી ઝોનમાં પાણી વિતરણ થશે તેમ વોટર વર્કસ શાખાના કાર્યપાલક ઈજનેરની યાદીમાં જણાવાયું છે.
