કલ્યાણપુરની પરિણીતા સાથે બળજબરીપૂર્વક પ્રેમ સંબંધ કેળવવા ધમકી
સોશિયલ મીડિયાના માઘ્યમથી હેરાન પરેશાન કરતા ધતુરિયા ગામના ભરત કનુભાઈ ભોચીયા નામના શખસ સામે ગુનો નોંધાયો
દેશ દેવી ન્યુઝ જામનગર. 04.ખંભાળિયા: કલ્યાણપુર તાલુકાના નંદાણા ગામે રહેતી એક પરણિત યુવતીને બદનામ કરવા તથા તેણીના પતિ સાથે છૂટાછેડા લેવડાવી લેવાના ઈરાદાથી કલ્યાણપુર તાલુકાના ધતુરીયા ગામનો ભરત કનુભાઈ ભોચીયા નામનો શખ્સ અવાર-નવાર આ યુવતીને પ્રેમ સબંધ કેળવવા તેમજ શારીરિક સંબંધ હોવા અંગે મોબાઈલ ફોન મારફતે કોલીંગ ઉપરાંત વોટ્સએપ મેસેજ સહિતના સોશિયલ મીડિયા મારફતે માધ્યમથી પરેશાન કરતો હોવાનું જાહેર થયું છે.
આ ઉપરાંત આ યુવતીના ધ્માન બહાર તેણીના વિડીયો કોલના અશ્લીલ સ્ક્રીન શોટ લઈને ઉપરોક્ત શખ્સે પોતાના મોબાઈલ ફોનના સ્ટેટસમાં રાખીને આવા ફોટા વાયરલ કરવા તેમજ મેસેજ મારફતે પરિણીતાને જો તેણી પોતાના પતિથી છૂટાછેડા નહીં લે તો તેણીનું અપહરણ કરીને લઈ જવા તેમજ તેણીના માતા-પિતાને હેરાન પરેશાન કરવાની ધમકી આપી, આરોપી શખ્સે જો આ યુવતી પોતાની સાથે લગ્ન નહીં કરે તો જાનથી મારી નાખવાની ધમકી પણ આપી હોવાનું પોલીસ ફરિયાદમાં જાહેર થયું છે.
આ સમગ્ર બનાવ અંગે કલ્યાણપુર પોલીસે ભોગ બનનાર પરિણીત યુવતીની ફરિયાદ પરથી ધતુરીયા ગામના ભસ્ત કનુભાઈ ભોચીયા સામે આઈ.પી.સી. કલમ 354, 292, 500, 506 (2) તેમજ આઇ.ટી. એક્ટની વિવિધ કલમ મુજબ ગુનો નોંધી, આગળની તપાસ પી.આઈ. કે.બી. યાજ્ઞિક દ્વારા હાથ ધરવામાં આવી છે.
