જામનગરની મિગ કોલોનીમાંથી ચોરેલ બાઈક સાથે જોડિયાનો શખસ ઝડપાયો..
દેશ દેવી ન્યુઝ નેટવર્ક જામનગર ૧૦. જામનગરમાં મીગ કોલોની વિસ્તારમાંથી મોટરસાયકલની થયેલ ચોરી બાદ સીટી એ ડીવીજન પોલીસે આદિશામાં કાર્યવાહી હાથ ધરી ચોરી કરનાર જોડિયાના સખ્સને મોટરસાયકલ સાથે પકડી પાડ્યો હતો.
પોલીસે આરોપીની બાઈક સાથે ધરપકડ કરી હતી. પ્રાથમિક પોલીસ પૂછપરછમાં ચોરાઉ બાઈક મિગ કોલોની વિસ્તારમાંથી ઉઠાવ્યાનું ખૂલ્યું હતું.
દિગ્વિજય પ્લોટ ચોકીના વણ ઉકેલાયેલા મોટરસાયકલ ચોરીના ગુના સંદર્ભે તપાસ કરી હતી. જેમાં પેટ્રોલીંગ દરમ્યાન હેડ. કોન્સ જીતેન્દ્રસિંહ મહીપતસિંહ જાડેજાને તથા પો.હેંડ.કોન્સ જશભાઈ દલસુખભાઇ વઢેલ મળેલ બાતમીના આધારે મીંગ કોલોની રોડ ચેતક ટ્રાવેલ્સ પાસેથી ચોરીમાં ગયેલ GJ10-BS-O158 નંબરના રૂપિયા 30 હજારની કિંમતના મોટર સાયકલની ચોરીમાં સંડોવાયેલ આરોપી આમદ ઉર્ફે સકીલ અબ્બાસ ઝેર રહે.જોડીયા ગામ મોટાવાસ બાવલા રાવ વાળી શેરી જોડીયા જિ. જામનગરવાળાને પકડી પાડયો હતો.
પોલીસે આરોપીની ધરપકડ કરી બાઈક કબજે કર્યું હતું. પોલીસે પકડાયેલા શખસની પૂછપરછ સાથે વધુ તપાસ હાથ ધરી છે.
