જામનગર જી જી હોસ્પિટલના પીએમ વિભાગ સામેથી નવજાત શિશુ મળી આવ્યું
- કોઈ અજાણી સ્ત્રીએ પોતાનું પાપ છુપાવવા ત્યજી દીધાનું પ્રાથમિક તારણ
- નવજાત શિશુએ ટૂકી સારવાર બાદ દંમ તોડ્યો : પોલીસ તપાસનો ધમધમાટ
દેશ દેવી ન્યુઝ જામનગર તા.૧૨ મે ૨૩ જામનગરની જી.જી હોસ્પિટલમાં પોસ્ટમોર્ટમ વિભાગ પાસે ગઈકાલે સાંજે કોઈ અજાણી મહિલાએ પોતાનું પાપ છુપાવવા નવજાત શિશુને ત્યજી દઈ ફરાર થઈ જતા દોડધામ મચી ગઈ હતી હોસ્પિટલ ખાતે સારવાર માટે આવેલા દર્દીની નજર થેલી ઉપર જતા તેને ખોલીને જોયું તો અંદર જીવંત અવસ્થામાં નવજાત શિશુ મળી આવતા તાત્કાલિક લગત વિભાગને જાણ કરી હતી ગાયનેક વિભાગના ડોક્ટર સ્ટાફ દ્વારા તાત્કાલિક બાળકની સારવાર હાથ ધરી હતી પરંતુ ટુકી સારવાર બાદ બાળકે અંતિમ શ્વાસ લીધા હતા, હાલ તો નવજાત ને ત્યજી દેનાર માતા વિરૂદ્ધ ફીટકાર વરસી રહ્યો છે.
કોઈ અજાણી સ્ત્રી બાળક ત્યજી દઈને ફરાર થઈ ગયાના સમાચાર વાયુવેગે પ્રસરી જતા લોકોની ભીંડ જામી હતી બનાવની જાણના પગલે સીટી-બી ડિવિઝન પોલીસ કાફલો ઘટનાસ્થળે દોડી ગયો હતો અને માતાની શોધખોળ આદરી હતી હાલતો નવજાત શિશુને હોસ્પિટલમાં ત્યજી દીધાની બીજી ઘટના પ્રકાશમાં ભારે ચકચાર જાણી છે.
