જામનગરમાં નવાગામ ઘેડ ગાયત્રી ચોક વિસ્તારમાં ભાજપના કાર્યલય ઉદ્ઘાટન સમયે ક્ષત્રિય યુવાનોનો હંગામો
- કાર્યક્રમમાં રૂપાલા હાય ના નારા લગાવી ખુરશીઓ ઉછાડી દેતાં પોલીસે ટોળા ને વિખેર્યું : કાર્યક્રમ મોકૂફ રહ્યો
દેશ દેવી ન્યૂઝ જામનગર ૨૬ એપ્રિલ ૨૪ જામનગર માં નવાગામ ઘેડ ગાયત્રી ચોક વિસ્તારમાં ભાજપના કાર્યાલયના ઉદ્ઘાટન વેળાએ ક્ષત્રિય યુવાનોએ આવીને હંગામા મચાવ્યો હતો, અને રૂપાલા હાય હાય ના નારા લગાવ્યા હતા, તેમજ કેટલીક ખુરશીઓ ઉછાળી હતી. જેથી પોલીસ તંત્ર દોડતું થયું હતું, અને કાર્યક્રમ મોકૂફ રાખવો પડ્યો હતો.
જામનગર મહાનગરપાલિકાના વોર્ડ નંબર ચાર માં ભાજપના કાર્યાલયના ઉદઘાટન વેળાએ ગાયત્રી ચોક વિસ્તારમાં કેટલાક ક્ષત્રિય યુવાનો આવી ચડ્યા હતા, અને મંચ પર ભાજપના ધારાસભ્ય રિવાબા જાડેજા, પૂર્વ ધારાસભ્ય લાલજીભાઈ સોલંકી વગેરે દ્વારા કાર્યક્રમનો પ્રારંભ થાય તે પહેલાં રૂપાલા હાય હાય ના નારા સાથે ખુરશીઓ ઉછાળી હતી. દરમિયાન પોલીસ તંત્ર એ આવીને ટોળા ને વિખેરી નાખ્યું હતું. પરંતુ ભાજપ દ્વારા કાર્યક્રમ મોકૂફ રાખવામાં આવ્યો હતો.
