જામનગરના રામેશ્ર્વરનગર વિસ્તારમાં યુવાન પર હુમલો : કારમાં કરી તોડફોડ
- કાર ધીમે ચલાવા બાબતે ડખ્ખો સર્જાયો હોવાનું મનાઈ રહ્યું છે.
- બંને પક્ષો રાંદલનગર વિસ્તારમાં રહેતા હોવાનું જણાઇ રહ્યું છે.
દેશ દેવી ન્યુઝ જામનગર તા.૧૪ ડીસેમ્બર ૨૨ : જામનગરના રામેશ્વરનગર વિસ્તારમાં ગઈકાલે રાત્રે કાર ધીમે ચલાવવા બાબતનું મન દુ:ખ રાખીને એક યુવાન પર હુમલો કરાયો છે, જ્યારે કારમાં તોડફોડ કરાઇ છે. જે સમગ્ર મામલો પોલીસ મથકે લઈ જવાયો છે. આ બનાવની વિગત એવી છે કે જામનગરમાં રામેશ્વર નગર વિસ્તારમાં રહેતા એક યુવાન પર ગઈ રાત્રે કાર ધીમે ચલાવવા બાબતે જૂની અદાવત નું મનદુ:ખ રાખીને હુમલો કરી દેવાયો હતો, ઉપરાંત તેની જી.જે.-2 બી.એચ. 1125 નંબરની કારમાં ધોકા -પાઇપ- પથ્થરો વગેરે મારીને તોડફોડ કરી નુકસાની પહોંચાડવામાં આવી હતી.
આખરે સમગ્ર મામલો સીટી બી. ડિવિઝન પોલીસ મથકમાં લઈ જવાયો છે, અને હુમલાખોરો સામે પોલીસ ફરિયાદ નોંધવા તજવીજ હાથ ધરવામાં આવી છે. મોડી રાત્રે રામેશ્વર નગર વિસ્તારમાં બનેલા આ બનાવને લઈને અફડા તફડીનો માહોલ સર્જાયો હતો. અને પોલીસ તંત્ર પણ દોડતું થયું હતું.
