જામનગર કનસુમરા વિસ્તારમાં જાહેરમાં જોખમી કચરો ઠાલવવાનું કૌભાંડ પકપાયું
- 35 ટન કચરો જાહેરમાં ઠાલવાયો : પ્રદુષણ બોર્ડ આકરા પાણીએ : વડી કચેરીએ જાણ કરાઈ
- ગણતરીની ક્લોકોમાં જ કચરાનો નિકાલ કરનાર એકમને શોધી લેવાયો : વૈજ્ઞાનિક ઢબે નિકાલની લેખિત સુચના અપાઈ
દેશ દેવી ન્યુઝ જામનગર તા.૧ જુલાઇ ૨૩ જામનગરના કનસુમરા વિસ્તારમાં અનામી એકમ દ્વારા પાત્રીસટન જેટલો જોખમી કચરાનો જાહેરમાં નિકાલ હોવાનું જામનગર પ્રદુષણ વિભાગના ધ્યાનમાં આવતા વિભાગના અધિકારીઓ સહિતનો કાફલો નિકાલના સ્થળે પહોંચી ગયો હતો અને યુદ્ધના ધોરણે તપાસ આરંભી હતી.પ્રદુષણ બોર્ડ ત્રાટકતા આજુબાજુના એકમોમાં ફફડાટ વ્યાપી ગયો હતો તેવામાં કેટલાય તાળા મારી ચાલતી પકડી હતી
બોર્ડે જાહેરમાં નિકાલ કરેલ કચરાના સેમ્પલ લઇ તપાસના ચક્રો ગતિમાન કર્યાં હતા વિભાગ દ્વારા ગણતરીની કલાકોમાં જોખમી કચરાનો જાહેરમાં નિકાલ કરનાર ઓરિએન્ટલ ઇલેક્ટ્રિકલ કમ્પોનન્ટ્સ નામના એકમને શોધી તેને વૈજ્ઞાનિક ઢબે કચરાનો નિકાલ કરવા અંગેની લેખિતમાં સૂચના આપી હતી અને પર્યાવરણીય કાયદાઓ અન્વયે આગળની કાર્યવાહી હાથ ધરવામાં આવી હતી બનાવમા પગલે લોકોમાં ફફડાટ ફેલાયો હતો.
આ કાર્યવાહી ગુજરાત પ્રદુષણ નિયંત્રણ બોર્ડ પ્રાદેશિક કચેરી જામનગરના કે.એન પરમાર, પ્રાદેશિક અધિકારી, તથા તેમની ટીમ એચ. કે. શાહ, જે. એમ. જાદવ, સી. એચ. ચૌહાણ સહિતના રોકાયા હતા
