કાલાવડ તાલુકાના બામણગામની શ્રમિક પ્રૌઢાએ અગમ્ય કારણે કુવો પૂર્યો
- ફાયર બ્રિગેડની ટીમે કૂવામાં ઉતરી મૃતદેહ બહાર કાઢી પોસ્ટ મોર્ટમ માટે મોકલી આપ્યો
દેશ દેવી ન્યુઝ જામનગર તા. ૨૩ ઓક્ટોબર ૨૩ કાલાવડ તાલુકાના બામણગામની સીમમાં વૃધ્ધાએ કૂવામાં પડી આપઘાત કરી લેતાં ચકચાર મચી હતી. બામણગામના હિતેશભાઈની વાડીમાં કામ કરતા કંચનબેન ગિનોયા નામના ૫૫ વર્ષના મહિલાએ આજે સવારના અગમ્ય કારણોસર કૂવામાં ઝંપલાવી દેતાં તેમના પરિવારજનોએ બૂમાબુમ કરી મુકી હતી.
આ અંગે કાલાવડ ફાયર બ્રિગેડની ટીમને જાણ કરાતાં ફાયરની ટીમે કૂવામાંથી મહિલાના મૃતદેહ ને બહાર કાઢી પોસ્ટમોર્ટમ માટે હોસ્પિટલમાં મોકલી આપ્યો છે. પોલીસે અગમ્ય કારણોસર કૂવામાં પડી કચંનબેને જીવન ટુંકાવ્યું હોવાની નોંધ કરી વધુ તપાસ હાથ ધરી છે.
