એમ.પી.શાહ સરકારી મેડિકલ કોલેજના વિદ્યાર્થીઓ માટે સ્પોર્ટ્સ ઇવેન્ટનું આયોજન કરાયું
દેશ દેવી ન્યુઝ જામનગર તા.૦૩ સપ્ટેમ્બર ૨૩ જામનગરમાં સ્થિત એમ.પી.શાહ સરકારી મેડિકલ કોલેજના તબીબો તથા તબીબી વિદ્યાર્થીઓના વ્યસ્ત સમય પત્રક અને તેમના પર રહેલું કામનું ભારણ ઘટી શકે તે હેતુથી, તેમના માટે વિવિધ પ્રકારની સ્પોર્ટ્સ એક્ટિવિટીનું આયોજન કરવામાં આવતું હોય છે.
ગત તા.03 સપ્ટેમ્બરના રોજ 20-20 ઓવરની લેધર બોલ ક્રિકેટ મેચનું પ્રણામી સ્કૂલના સ્પોર્ટસ ગ્રાઉન્ડ ખાતે આયોજન કરાયું હતું. જેમાં મેડીકલ કોલેજની ડોક્ટર્સની ટીમ વિજેતા રહી હતી. ઉકત સ્પર્ધાને સફળ બનાવવા માટે પ્રણામી સ્કૂલના કોચ જયપાલસિંહ જાડેજા, નરેન્દ્ર ભાઈ રાયઠઠા, સૌરાષ્ટ્ર ક્રિકેટ એસોસિએશનના પેનલ અમ્પાયર જય શુકલા તેમજ સંસ્થાના સ્ટાફગણે જહેમત ઉઠાવી હતી. મેચના અંતે, ‘મેન ઓફ ધ મેચ’ તરીકે જાહેર થયેલા ડો. જીગ્નેશ વડગામાનું પેનલ અમ્પાયરશ્રીએ ક્રિકેટ બોલ આપીને અભિવાદન કર્યું હતું. તેમ એમ.પી.શાહ સરકારી મેડીકલ કોલેજ, જામનગરની યાદીમાં જણાવવામાં આવ્યું છે.
